Informatica

Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.

---

Informatica weurt omsjreve as de weitesjap die zich bezighilt mit 't beheerse van complexiteit (onger angere op 't vlak van informatie en gegaeves, communicatie, softwareboe, en technisch-weitesjappelik raekene). De term complexiteit git hie mie euver de algemein beteikenis en neet euver de complexiteitstheorie. Informatica is auch de tak van techniek die zich bezighilt mit het programmiere van computers.

Computerweitesjap weurt gebroekt es synoniem veur informatica, maer dae moag neet verwart weure mit 't eigelike bauwe van computers.

Op ein anger maneer kint me informatica opdeile in veer aspekte, auch waal de veer T's genump:

• Technieke/Methodes (bev. recursie, top-down design, simulated annealing, polymorfisch programmeren...)
• Tale (bv. C++, Java, Coloured Petri Nets, UML...),
• Theorië (bv. Formeil Tale Theorie, Grafetheorie, Wachtrietheorie...),
• Tools (gereidsjappe as compilers, database beheersystemen, besjturingssysteim ...)

Historie

Oersjprónkelik waor inne computer inne persoen dae beraekeninge oetveurde. Minsjelike computers woerde beveurbeild ingezat om tabelle veur de sjeipvaart en de astrenomie op te sjtèlle. De correctheid hievan waor hèndeg belangriek: 'n fout in 'n tabel vool neet direk op en kos veur de gebroeker van de tabel groete gevolge höbbe. Hiedoor waore väöl luuj op zeuk nao gereidsjappe om de minsjelike computers te assistere. In dees omgaeving kaome Charles Babbage en Ada Lovelace in 1834 mit 't concep van de machinale computer. Hienao zou 't nog mië as 'n ièw dure vuurdat de iesjte elektrische computers geboewd woerde doer 't wèrk van onger angere Konrad Zuse, Alan Turing en John von Neumann.