Vleermuis

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

'n Collaasj vaan zès versjèllende vleermoessoorte. Me zuut (vbno, vlnr):
Gewoene vampier (Desmodus rotundus);
Nijlroezèt (Rousettus aegyptiacus);
Groete hoofiezerneus (Rhinolophus ferrumequinum);
Guanovleermoes (Tadarida brasiliensis);
Kortneusvleerhoond (Cynopterus sphinx);
Vaol vleermoes (Myotis myotis)

Vleermuis (Chiroptera) zien 'n orde vaan miestal klein zoogdiere mèt e vlees tösse de väörpu en de romp, wat zoe oontwikkeld is tot de bieste demèt kin vlege en 't vlees es vleugel umsjreve kin weure. In tegestèlling tot bij veugel spreie de vief vinger ziech in oetgerèkde vörm door de ganse vleugel oet, wat dee e stök bewegeleker maak. Dit kump zeker klein soorte, die in knab bos mote jage op insekte, good vaan pas.

De orde Vleermuis umvat zoeget 1.300 soorte en is de groetste orde vaan zoogdiere nao de Knaagdiere. Nui soorte weure nog bekaans eder jaor oontdèk. Me verdeilt ze traditioneel in twie gróppe: Megachiroptera, groete, vröchetende vleermuis die euverdaag actief zien, en Microchiroptera, die veural insekte ete, 's aovends of 's nachs jaoge en daobij gebruuk make vaan echolocatie. Moleculair oonderzeuk heet dao de lèste jaore vraogteikes bij gezat. Vleermuis zien vaanaof 52 mieljoen jaor geleie bekind; me nump aon tot ze nog get awwer zien.

Vleermuis höbbe e good herkinbaar uterlek en höbbe gein imitatore oonder ander soorte diere. In väöl culture gelle ze es sinister oongelöksbringers. Hun interactie mèt lui is beperk.

Taxonomie

• Oonderorde Groete Vleermuis (Megachiroptera)
  • Groete vleermuis (Pteropodidae)
• Oonderorde Kleine Vleermuis (Microchiroptera)
  • Zakvleugelvleermuis (Emballonuridae)
  • Moesstertege vleermuis (Rhinopomatidae)
  • Hommelvleermuis (Craseonycteridae)
  • Hoofiezervleermuis (Rhinolophidae)
  • Holkopsvleermuis (Nycteridae)
  • Valse vampiere (Megadermatidae)
  • Aovendvleermuis (Vespertilionidae)
  • Vrijstartvleermuis (Molossidae)
  • Bleike vleermuis (Antrozoidae)
  • Trechteroerege Vleermuis (Natalidae)
  • Zóknapvleermuis (Myzopodidae)
  • Sjiefvleugelege vleermuis (Thyropteridae)
  • Roukkleurege vleermuis (Furipteridae)
  • Vleerhun (Noctilionidae)
  • Nui-Zielandvleermuis (Mystacinidae)
  • Vampiere (Phyllostomidae)

  Dit artikel is e sjtumpke. De kans Wikipedia helpe door 't aan te völle