Bert van Marwijk

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

---

Bert van Marwijk

Lambertus (Bert) van Marwijk (Deventer, 19 mei 1952) is eine veurmalige Nederlandse voetballer en voetbalcoach.

Hae sjpeelde ónger meë veur Go Ahead Eagles, AZ, MVV en Fortuna Sittard. Ouch sjpeelde hae veur 't Nederlands èlftal. In 1988 zat hae eine puntj achter zien voetbalcarrière en begoosj hae ein carrière es trainer. Op 't Europese toneël wis hae mèt Feyenoord in 2002 de UEFA Cup te winne. Allewiel is hae bóndjscoach van 't Nederlands èlftal. In die hoedanigheid haet hae Oranje mèt väöl succes nao ’t eindtoernooj in Zuid-Afrika geloods.

Carrière es sjpeler

Clubvoetbal

Es aanvaller en middeveljer sjpeelde hae 390 wedsjtrieje in de Eëredevizie, ónger angere biej Go Ahead Eagles, AZ '67, MVV en Fortuna Sittard.

Nederlands èlftal

Hae sjpeelde es sjpeler van Go Ahaed Aegles eine interlandj ónger bóndjcoach George Knobel op 30 mei 1975, 'ne vrundjsjappelike wedsjtried taenge Joegoslavië dae mèt 3-0 woort verlaore.

Sjtatistieke es sjpeler

Seizoen	Club	Wedsjtrieje	Gole	Competitie
1969/70	Go Ahead	0	0	Eëredeviezie
1970/71	Go Ahead	15	2	Eëredeviezie
1971/72	Go Ahead	39	4	Eëredeviezie
1972/73	Go Ahead Eagles	35	3	Eëredeviezie
1973/74	Go Ahead Eagles	27	2	Eëredeviezie
1974/75	Go Ahead Eagles	30	5	Eëredeviezie
1975/76	AZ '67	22	6	Eëredeviezie
1976/77	AZ '67	27	9	Eëredeviezie
1977/78	AZ '67	20	5	Eëredeviezie
1978/79	MVV	32	1	Eëredeviezie
1979/80	MVV	32	7	Eëredeviezie
1980/81	MVV	12	0	Eëredeviezie
1981/82	MVV	30	1	Eëredeviezie
1982/83	MVV	27	8	Eësjte deviezie
1983/84	MVV	31	15	Eësjte deviezie
1984/85	MVV	31	1	Eëredeviezie
1985/86	MVV	30	2	Eëredeviezie
1986/87	Fortuna Sittard	11	1	Eëredeviezie
1987/88	FC Assent	17	0	Tweëde klas
	Totaal:	500	81

Carrière es trainer

Fortuna

Hoagtepuntje in zien loupbaan: es trainer haolde hae mèt 't besjeije Fortuna Sittard de finale van de KNVB baeker in 1999.

Feyenoord

In 2002 wón hae mèt Feyenoord de UEFA-Cup. In de zomer van 2004 vertrok hae nao Borussia Dortmund.

Borussia Dortmund

Bert van Marwijk es trainer biej Borussia Dortmund.

Saer de zomer van 2004 waas hae in deens es trainer van Borussia Dortmund; dit deensverbandj doerde tot 18 december 2006.

Weer Feyenoord

In juni 2007 veurde Van Marwijk verkènnende gesjprekke mèt ziene veurmalige werkgaever Feyenoord euver eine eventuele trukkeër biej de Rotterdamse club. Op 14 juni woort bekènd gemaak dat Van Marwijk veur tweë sezoene Feyenoord opnuuj ónger zien hoede kroog. Dees tweë jaor deende hae aevel neet oet, aangezeen Bert van Marwijk op 31 mieërt 2008 officieel door de KNVB woort gepresenteerd es opvolger van bóndjscoach Marco van Basten mèt ingank van juli 2008. Bert van Marwijk maakde 't sezoen 2007-2008 waal nog aaf biej Feyenoord en wón in dat jaor mèt de club de KNVB-beker.

Carrière es bóndjscoach

Nao 't Europees kampioensjap voetbal 2008 sjtrade Van Marwijk zien wirzaamheje es bóndjscoach van 't Nederlands voetbalèlftal. Hae waas de opvolger van Marco van Basten dae saer 2004 nao 't Europees kampioensjap es bóndjscoach fungeerde. Es zien management sjtaf sjtèlde hae de vreugere internationals Frank de Boer en Phillip Cocu aan en zien vaste assitent biej Fortuna, Feijenoord en Dortmund, Dick Voorn. Van Marwijk kroog al direk te make mèt ein aafmeljing van Ruud van Nistelrooy veur Oranje, omdat dae 't drökke program van 't Nederlands èlftal neet koosj combinere mèt 't program van zien club Real Madrid.

Veur de eësjte oefenwedsjtried op 20 augustus 2008 reep van Marwijk Mark van Bommel op in de veurluipige selectie. Mark van Bommel hèj zich eërder bedank veur Oranje ómdat hae neet mee wouw sjpele ónger Marco van Basten.

Privé

• Bert van Marwijk zien dochter Andra is getrouwd mèt de voetballer Mark van Bommel.
• Hae wón in 1975 same mèt zien vader t wáereldkampioensjap klaverjasse.