Baevaart

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

'n Baevaart of pelgrimstoch ies 'ne toch, dae individueel of in 'ne groep weurt óndernómme nao 'n pelgrimsoord. In väöl godsdeenste besjteit de gedachte, dat 'ne god of heilige aan bepaalde plaatse 'n heiliging of zegening haet verbónge. Zoa gebeurt dat o.m. door Katholieke, Anglicane of Moslims, die nao 'n heiligdóm of cultusplek loupe um te baeje, te biechte of boete te doon. Sóms ouch um 'n guns te vraoge.

Christendom

In 't christendom vingk de baevaart ziene oarsjprónk in de aandach veur 't leve van Jezus, dat luuj deeg trèkke nao de heilige plaatse van geboorte, leve, lieje en sjterve in Palestina. Ouch de graver van de apostele zint geleefde pelgrimsoorde. Väöl Mariabaevaartsplaatse sjteune op historische en legendarische gebeurtenisse.

Mieddelièwe

In de Mieddelièwe waore pelgrimstochte populair en officieel. De kèrk sjteunde de tochte nao o.m. Jeruzalem, Roame en Santiago de Compostella, deils ouch es boetevaart.

Doel

Baevaarte weure gehoute um boete te doon of um 'n bepaalde guns te vraoge. Dao zint baevaarte veur allerlei krenkdes: tege kanker, kaelpien, bèdplasse, kinkhoos. Veur 'n gooj ougs. In de keus van 'ne bepaalde petroanheilige kump de opvatting tot uting um analoog aan gegeves oet 't leve of martelaarsjap van de heilige, deze te vraoge veur 'n guns. Zoa ies de heilige Briej (Norbik) petroan van 't viè en de heilige Rosa (Sub) tege roas, de heilige Blasius (Keer) tege kaelkrenkdes, Gerlachus (Sint-Gerlach) tege vièkrenkdes en 't heilig Blood tege blojinge. In de pelgrimskèrke bevinge ziech dèks de relikwieë van de (petroan)heilige.

Attribute

't Baevaartsvaeneke mèt aafbeelding ies 'n aandinke of souvenir ter herinnering aan 't bezeuk aan 'n baevaartsoord.
'n Baevaartskeerts weurt dèks mètgenómme um thoes te gebruke.
Pelgrims op weeg nao Santiago de Compostella drage 'n Sint-Jaokobssjelp. In de beeldende kunste is d'r pungel 't attribuut van 'ne pelgrim.

Bekènde baevaartsplaatse

Beeldsje van Gerlachus in 'n kapel in Sint-Gerlach

Maria(num) in Zoutleeuw

Lourdes in Zuud-Frankriek. Hie weure Maria en Bernadette verièrd en veur genezing gebaejd.
Fatima in Portugal. Verièring van Maria
Santiago de Compostella. Hie weurt de apostel Jaokob de Mièrdere verièrd.
Roame in Italië
Jeruzalem in Israël,pelgrimsoord veur Jezus
Sainte-Maries-de-la-Mer, pelgrimsoord van Maria, Sarahh en van de Roma (Siguinersj)
Lisieux (Frankriek), Theresia
Paries, Maria van de miraculeuze medalje
Taizé (Frankriek)
Vezelay,(Frankriek) (Maria Magdalena)
La-Sainte-Baume en St. Maximin (Frankriek) (Maria Magdalena)
Paray-le-Monial (Frankriek) Margaretha Maria Alacoque
Kevelaer in Duutsjland, pelgrimsoord van Maria.
Beauraing, provincie Name, pelgrimsoord van Maria, moder mèt 't gouwe hart

In en rónd de Euregio

Belsj

Banneux, provincie Luuk, pelgrimsoord van Maria.
A g'n Eèkske (Moresnet-Chapelle, gemeinte Plombières, provincie Luuk), baevaartsoord van Madonna van Moresent
Heppeneert, gemeinte Mezeik, Slevevrouw van Rös
Hasselt (Belsj Limburg), Virga Jesse en pater Valentius
Lommel (Mariapark Lommel-Febrik), Belsj Limburg, Maria van Lourdes
Sjerpenheuvel in Vlaams-Brabant, pelgrimsoord van Maria
Visé, provincie Luuk, baevaartkapel Slevevrouw Lorette
Zoutleeuw (Vlaams-Brabant), Maria van de Osseweg

Nederland

Broensem (Brunssum), Zuud Limburg, Heilig sacrament
Gulpe, Zuud Limburg, Maria keuningin
Heële (Heerlen), Zuud Limburg, Petrus Jozef Savelberg
Hozelt (Holset), Zuud Limburg, Genoveva
Mestreech, pelgrimsoord van Servaos en Maria sjter van de ziè
Munstergelaen, Nederlands Limburg, Karel Houben
Norbik, Nederlands Limburg, seent Briej
Offere (Afferden), Noord-Limburg, Slevevrouw moder van sjmarte
Remunj (Roermond), Nederlands Limburg, Maria van 't zand
Sint-Gerlach in Zuud Limburg, pelgrimsoord van Gerlachus
Tiendere (Tienray), Noord-Limburg, Os Lief Vrouwke van Lourdes
Toear (Thorn), Nederlands Limburg, Maria ónder de ling
Wiek (Mestreech), Zwarte Christus
Wittem in Zuud Limburg, pelgrimsoord van Gerardus
Zittert (Sittard), Zuud Limburg, Maria van 't heilig hart
Zjweikese (Sweikhuizen), Zuud Limburg, Odiliadevotie