De Boanhei

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Bóchezer, es te dit dialek sjpriks.

---

De Boanhei (Nederlands: Baneheide) is 'n buurtsjap van Bóches in de gemeinte Zumpelveld in Zuud Limburg. De naam baan kump van de hièrbaan, die hie doorheen leep in de tied van de Romeine, van Aoke nao Mestreech. 't Woorddeil hei wies nao 't druèg plateau woa-op de nederzètting ziech óntwiekelde. Ze ies gelege tösje Nieswiller en Zumpelveld. In de Boanhei wone 80 luuj in ca 30 hoezer.

Dörpsgeziech van De Boanhei

Good bewaard dörpsgeziech

Baanhei haet 'n good bewaard typisch Limburgs dörpsgeziech mèt 'ne waterpool en wieje, 'n waterpöthuuske en róntelum gesjlote boerderieje opgetrokke van kundersjtein, 'n vakwerkhoes, op de krusing 'n waegkruus en tege 'ne gevel van de Heihaof 'n houte kruus mèt 'n corpus én in 'n niske van 't kruushout 'n klein Mariabeeldsje.