BoerBurgerBeweging

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

BoerBurgerBeweging (BBB) is 'n Nederlandse politieke partie mit 'n centrum-rechse bis conservatief-rechse zinjatoer. Ideologisj sjteet ze kótbei 't agrarisme en ooch is ze euroskeptisj. Zie hat de verbeëtering van de leëfbaarheed óp 't plattelank es doel en krieg vöal sjtumme oet d'r agrarisje sektor, mit name van luuh oet 't oeëste en 't noordoeëste van 't lank. D'r partievuurzitter is Erik Stegink en Caroline van der Plas is de partieleijer.

BBB woeëd in 2019 opgerich durch Caroline van der Plas, Wim Groot Koerkamp en Henk Vermeer, kót noa 't begin van de boereproteste vaweëge de sjtiksjtofcrisis. Ze hat ónger mieë mitgedoa aan de Twieëde Kamerverkezinge va 2021 en aan de provinciaal sjtateverkezinge va 2023.

't Aantal leje numt sjnel touw (10.822 i 2023).

Verkezingsrizzeltate

Twieëde Kamer

Joar	Liestrekker	Sjtumme	%	Zedele
2021	Caroline van der Plas	104.319	1,00%	1 / 150
2023	Caroline van der Plas			7 / 150

De fractie van de BBB in de Twieëde Kamer besjteet oet 1 lid:

Caroline van der Plas (fractievuurzitter)

Ieësjte Kamer

Joar	Liestrekker	Sjtumme	%	Zedele
2023	Ilona Lagas	36.976	20,66%	16 / 75

Provinciaal Sjtate

Provincie	Zedele i 2023
Groninge	12 / 43
Friesland	14 / 43
Drenthe	17 / 43
Uueveriessel	17 / 47
Flevoland	10 / 41
Gelderland	14 / 55
Utrech	7 / 49
Noord-Holland	8 / 55
Zuud-Holland	8 / 55
Zieëland	9 / 39
Noord-Broabant	11 / 55
Hollendsj Limburg	10 / 47
Nederland	137 / 572

Watersjappe

Seër de watersjapsverkezinge va 2023 is BBB verteëgewoordig in alle 21 watersjappe van Nederland en 13 ooch de groeëtste partie. Zie hat mieëtstes 4 bis 9 zedele. I Watersjap Limburg hat ze 4 zedele. 't CDA bleef de groeëtste partie mit 8 zedele.

Gemindes

BBB deeg neet zelfsjtandig mit aan de geminderoadsverkezinge van 2022. Waal wirkde ze same mit lokaal partieje.

Extern linke

Website van de BBB