Kanjel (baek)

(Doorverweze van Aw Kanjel)

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.


De Kanjel is ein baek in' t zuje van de Nederlandjse provincie Limburg.

De Kanjel óntsjprink ten weste van Raotem, tösje Mesjtreech en Maersje en sjtruimp door de beboewde kóm van Lömmel. Net veurbiej de duker ónger 't Julianakanaal, in de buurt van 't dörp Borghare, sjplits de Kanjel zich in de Nuuj Kanjel, die biej Borghare in de Maas oetmóndj, en de Aw Kanjel, die nao 't noorde sjtruimp door 't dörp Ittere en vervolges oetmóndj in de Gäöl, ein paar hónderd maeter veurdat die in de Maas oetmóndj.

De totale lengde van de baek is ±4,5 km.

't Sjtruimgebeed van de Kanjel vilt gans bènne 't gebeed van de Landjgojerezone Mesjtreech - Maersje. Ein van dees landjgojere is geneump nao de baek: Villa Kanjel (ouch waal La Petite Suisse geneump. Veurdat dees villa geboewd woort (róndj 1880) waas de naam Kanjel verbónje aan ’t daonaeve gelaege Kesjteël Mariënwaard (La Grande Suisse).

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kanjel_(baek)&oldid=342984"