Äöpen houfmenu

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.


Bij1 (vuurhins: Artikel 1) is 'n linkse Nederlandse politieke partei. Ze is ing 2016 ópgerich durch Sylvana Simons, die DENK verleet oet ónvreë uëver d'r politieke koers.[1] 't Vuurnaams oetgangspunt van Bij1 is "radicaal geliekweëdigheed en economische rechveëdigheed", die zie wil realisere durch racisme, discriminatie en sociaal óngeliekheed actief te besjtreie.

De partei weëd mieëtstes besjtumpeld es deeloetmakenterende van 't socialisme, multikoeltoeralisme en feminisme.

Inhawd

GesjichdeBewirk

Óp 24 december 2016 verleet Simons same mit Ian van der Kooye de partei DENK. Ze richde de partei Artikel 1 óp. De partie doog mit aa de Twieëde Kamerverkezinge van 2017. 't Rizzeltaat woar mit lediglich 0,3% mager en neet genóg vuur 'ne kamerzieëtel. In Amsterdam-Zuudoeës holde ze evvel 11,1% va de sjtumme. Bei de gemingderoadsverkezinge van 2018 doog ze alling mit in Amsterdam, oeë ze ópnuits succes beholde. Ze hat doa inne zieëtel.[2]

Sjtriet mit DENKBewirk

Es reë vuur 't verloate va de partei DENK goof Simons aa dat die partie te polariserend zouw zing, dat wieënig gelet weëd óp homo- en vrouwerechte en dat die partie höar te wieënig gesjteund zouw han. DENK eisde óp 22 jannewaar 2017 bedrage va €30.000,- en €40.000,-. DENK wool heimit vuurkómme, dat Simons zich nogins negatief zouw oetloate uëver höar ouw partei.[3]

SjtankpunteBewirk

't Partieprogram van Bij1 kunt semlig uëveree mit dat va DENK. In 't verkezingsprogram zint vunneftieën hoofsjtukke ópgenoame, alle goa uëver geliekweëdigheed. De punte betreffe beivuurbild geliekweëdigheed óp digitaal gebeed, i de zörg, in 't óngerrich en tussje Nederlank en zing uëverzieëse gebeedsdeler. Concreet pleit Bij1 óch vuur e nationaal zörgfonds, uëverheedsquota vuur vrouwlüj en allochtone, 'n verhuëging va d'r minimumloeën, heriveuring van de basisbuësj, e humaan vlöchtelingebeleid mit klingsjoalige ópvang en 't sjlete va koalecentrales.

Extern linkeBewirk

BrónneBewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bij1&oldid=426780"