Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Appingedam
Gewaeze gemeinte in Nederlandj

Veendel vaan Appingedam

Waope vaan Appingedam

Gemeinte Appingedam in Groninge

Gevörmp 1327
Opgehaeve 2021
Opgegange in Eemsdelta
Provincie Groninge
Hoofplaats Appingedam
Opperflaakde (bie opluffing) 24,58 km²
– daovan water: 0,81 km²
Inwoeners (kort veur opluffing) 11.523 (1-8-2020)
deechde: 485/km²
Lies van börgemeisters
De haangende keukes bove 't Damsterdeep

Appingedam (Gronings: n Daam) is e stedsje in de Nederlandse gemeinte Eemsdelta (provincie Groninge), aon 't Damsterdiep, in 't historisch gewes Fivelingo. Tot 2021 waor 't 'n zelfstendege gemeinte vaan zoeget 25 km² groet; 't aontal inwoeners leep de lèste jaore trök. Binne de gemeinte laoge ouch nog de dörper Opwierde, Solwerd en Tjamsweer.

Appingedam, neve de stad Groninge en Delfzijl (wat ze pas zier laat kraog) de insegste plaots in de provincie mèt historische stadsrechte, heet zie historisch aonziech good bewaord. Bekind zien de haangende keukes bove 't Damsterdiep.

HistorieBewirk

Appingedam oontstoont roond 1200 aon de Delf, noe 't Damsterdeep. In 1224 weurt de plaots veur 't iers geneump. 't Greujde snel oet tot handelsplaots, door zien gunstege ligking aon ope water die handel op de Ooszie en mèt Scandinavië meugelek maakde. In 1327 kraog 't stadsrechte. Appingedam waor daomèt neve Groninge iewelaank de einege stad mèt historische stadsrechte in de ganse provincie (in 1825 kraoge ouch Delfzijl en Winschoten die). Nao verluip vaan tied zakde de positie vaan de stad get in, al bleef 't e belangriek centrum vaan handel en industrie. In de twintegste iew mós 't zien leiende positie in de regio aofstoon aon de naobergemeinte Delfzijl.

In de jaore 2010 leep in Groninge de discussie euver bestuurleke vernuiing hendeg op. Veural de provincie wouw 't aontal gemeintes sterk ridducere, 't leefste tot zès. Nao 't oonderzeuk nao get alternatieve besloot Appingedam oetindelek same te goon mèt Delfzijl en Loppersum. De nui gemeinte mèt de naom Eemsdelta en woort op 1 jannewarie gestiech.


   Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Appingedam&oldid=446855"