Amblève (rivier)
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Amblève (Duits: Amel) is 'ne rivier in de Ardenne in de Belzje provincie Luik, in 't stroomgebeed vaan de Maos. De rivier oontspringk in de plaots Honsfeld in de gemeinte Büllingen, op 600 meter bove de ziespiegel. De Amblève is veural bekind vaan de watervalle vaan Coo. Dees watervalle zien in de achtiende iew oontstande wie monnike 'ne meander doorstaoke um 'n watermeule aon te drieve. Bij Comblain-au-Pont struimp de rivier in de Ourthe.
De belangriekste zijriviere vaan de Amblève zien:
- Eau Rouge
- Lienne
- Ninglinspo
- Roannay
- Salm
- Warche
- De Rubicon is 'ne oondereerdse bijrivier dee de grotte vaan Remouchamps heet gevörmp.
