Wereldkampioensjap damesvoetbal
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Wereldkampioensjap damesvoetbal is e trökkierend voetbaltoernooj wat um de veer jaor door de FIFA weurt gehawwe. Op 't WK kaamp e beperk aontal len (per 2019 waore dat 'rs 24) oet de zès continentaol confidderaties (AFC, CAF, CONCACAF, CONMEBOL, OFC en UEFA) um de kampioenstitel.
't WK veur vrouwlui besteit pas sinds 1991. Dit kump umtot de populariteit vaan 't vrouwevoetbal langen tied hendeg beperk waor. De financieel risico's waore te groet, zoe good wie de niveauversjèlle tösse landeteams oonderein. De lèste jaore nump de populariteit vaan de sport evels touw, in 't ei land al mie es in 't aandert.
Tot noe touw is 't toernooj gedomineerd door de Vereinegde Staote, wat al veer vaan de ach WK's heet gewonne en noets lieger es de daarde plaots indegde. Nederland deeg in 2015 veur d'n ierste kier mèt en haolde in 2019 de finaal. 't Belsj heet ziech nog noets veur e WK gekwalificeerd.
Edities bewirk
| Jaor | Gasland | Winner | Deiln. | Nederland |
|---|---|---|---|---|
| 1991 | China | Vereinegde Staote | 12 | neet geplaots |
| 1995 | Zwede | Noorwege | 12 | |
| 1999 | Vereinegde Staote | Vereinegde Staote | 16 | |
| 2003 | Vereinegde Staote | Duitsland | 16 | |
| 2007 | China | Duitsland | 16 | |
| 2011 | Duitsland | Japan | 16 | |
| 2015 | Canada | Vereinegde Staote | 24 | achste finaal |
| 2019 | Fraankriek | Vereinegde Staote | 24 | twiede |
| 2023 | Australië, Nui-Zieland | 32 |