Wânsem

Dit artikel is gesjreve (of begós) in 't Wânsems. Laes hie wie v'r mit de versjillende saorte Limburgs ómgaon.

---

Sint-Michaëlskèrk van Wânsem

Wânsem (Nederlands Wanssum) is eun dörp ien de Nederlands-Limburgse gemieënte Venroj. 't Lit ten weste van Blitterswik, t'n ooste van Aostrum en ten zuuie van Geistere. Wânsem het ongeveer 2000 ienwoners en is doarmit 't grutste dörp van de gemieënte. Dizze plats het 2 café's (De Buren en Piet's nette Ballentent), 1 cafetaria (De Kleijn), eun paar winkels en de C-duuzend. Op 't industrieterrein ligge eun 30-tal bedrieve. Ok het dizze plats 'n binnehave an de Maas, die veural veur landboewprodukte en containerovverslag gebruukt wurt. Ok wurt dizze have vur recreatie gebruukt. Ien Wânsem stromt de Groeëte Meulenbèk in de Maas ovver. An dizze bèk is pas geleje hieël wat veranderd. Ze hebben um wer ien urspronkelike staat gebrocht umdat dat baeter zeuj zien vur de natuur. De neje planne ligge echter al wer klaor. Ze willen dit gebied als waterbedding gebruke van de maas vur as de maas ovverstromt.

Wânsem huurde ursprunkelik beej de hieërlikheid Kessel en wurt ien 1673 'n zelfstendege hierlikheid, orsprunkelik valt de plats in hand van de familie Schellaert, sinds 1786 van de familie De Cocq. Tot 1969 waor Wânsem 'n zelfstendege gemieënte, daonao huuërde 't tot 2010 bi'j de fusiegemieënte Mieëldere-Wânsem.

Gebore ien Wânsem

• Theo van Els, professor taalkunde ien Nimwege

Jaorlikse fieëste en gebeurtenisse

• ten urste de carnaval den hier ieder joar uutbundig wurt gevierd. Dit jaor was Paul-den-urste, prins van Wânsem. Beej de jeugdcarnaval han we eun prinses en 'ne prins, Esther d'n urste en Danny d'n urste.
• 't jaorliks terugkieërende "spektakel an de maas". Dit spektakel is vurrig joar ien 't water gevalle dur hevige raegenval.
• Zeskamp waor ok ieder jaor mieër als tieën teams an mit doen.
• Sinterklaos-ientocht
• Kinderverkansiewerk