Mieëldere-Wânsem

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Mieëldere-Wânsem kort veur de opheffing.

Vlag vaan Mieëldere-Wânsem

Mieëldere-Wânsem (Officiële Nederlandse naom Meerlo-Wanssum) is 'n veurmaolege gemeinte in 't noorde vaan Nederlands Limburg, bij Venroj. 't Oppervlak vaan de gemeinte besloog 39,41 km², op 1 januari 2004 woende dao 7.728 lui.

De kerne vaan de gemeinte waore:

• Blitterswik (Blitterswijck)
• Geistere (Geijsteren)
• Mieëldere (Meerlo)
• Tiendere (Tienray)
• Wânsem (Wanssum)
• Zwolge (Swolgen)

De gemeinte oontstoont in 1969 oet sameveuging vaan de aw gemeintes Mieëldere en Wânsem. Op 1 januari 2010 is ze weer verdwene: ze woort opgedeeld tösse de gemeintes Haors aan de Maas (die de dörper Mieëldere, Tiendere en Zwolge kreeg) en Venroj (boe-in Blitterswik, Geistere en Wânsem kaome te ligke).