Wezel
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
- Dit artikel geit euver 't bieës; veur 't Rienlandjs stedje, zuuch: Wesel.
.jpg)
De wezel (Letien: Mustela nivalis) is e roufdeer oete femielje vanne marterechtige (Mustelidae). E volwasse bieës is zoget 20 cm lank. De stert is zoget 6 cm lank. Vruiwkes zeen klènder es menkes. Boetedet zeen in 't zuje van Europa wezele get grótter es in 't naorde. Wezele höbben 'ne ruuedsige broene rögkkantj en 'ne witte boekkantj, wobie de grens tösse de kluueren ónregelmaesig is. In 't hoeag naorde waere wezele (deils) wit inne wintjer es kammeflaasj, mer in Nederlandj en Belsj neet gans zuver wit. Wezele höbben 'n witte vlek oppe kael en höbben 'ne broenroeaje stert.
De wezel haoltj zie voor oet klein zougdere, veugel, klein reptiele, kwekkerten en insekte. De bieëster zeen zowaal snachs es euverdaags aktief. Wen wezele jage achtervolge ze pruuej wie klein knaagbieëster toet in 't haol. Wezele laeve solitair.
In gans Europe tröf me wezelen aan, zowaal in stejjelike gebieden es op 't plattelandj. De bieëster laeve mit naam in hègke, struuk en bósrenj.