Wósberig

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

D'r Wósberig ieëder Wófsberig geneumd is 'ne berg tösje Oondersjèj en Ge Kruuts in Norbik in de gemèngde Èèsjde-Mergraote in 't Limburgse Heuvelland.

Naamgaeving

'ne Woof is d'r owwe Norbikse naam vör 'ne wolf. 't Is allewiel 'sj nachs nog 'ne hieël duustere waeëg mèt 'ne klènge beusj langs de twieë kaante. Vólges de vólksverhaole zów d'r 'sj nachs 'ne waerwoof hoeze. Ènge van die beuskes heesjt d'r krèjje beusj.

Amstel Gold race

D'r Wósberig is bekaand es ènge van de cols in de Amstel Gold Race.

Geologie

Baove an en óp d'r Wósberig vindt me maasgreend; 't geet hie dus öm 'n aod maasterras.