Volksverhaol
(Doorverweze van Vólksverhaol)
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
'n Volksverhaol ies 'n saer oertieje móndeling euvergeleverd verhaol. In Limburg b.v. woort de gesjiedenis óf vasgelag in kronieke óf wiejer vertèld in verhaolvörm. Humor, opmerkelike belevenisse, fantastische verhaole woorte vertèld aan de cafétaofel of rónd de ope haard.
Vörm
bewirk'n Sage ies 'n volksverhaol rónd 'n historische kern.
'n Legende geit dèks euver 'ne heilige meh kèn ouch 'n euvergeleverd volksverhaol zin.
Daoneve besjtoon nog 't epos, de mythe en 't sjpreukske es volksverhaol.
Ouch besjtoon volksverhaole, specifiek geriech aan kinger, wie 't zandmenneke.
Veurbeelde
bewirk- Bekènd zin de Limburgse sagen en legenden (1e oetgaaf 1925) van de Limburgse sjriever/diechter Pierre Kemp, ièrder verjene ónder de titel 't Limburgs sagenboek. Dees volksverhaole sjpele in 'n Limburgs dörp en heim.
- Twiè beuk van de Limburgse sjriever Leo Janissen oet Bezel bevatte allenei volksverhaole oet, euver en gerelateerd aan Limburgse dörper en heim. Dat zin Limburg, dat lijkt nergens op en Limburgse verhalen met een glimlach.
- Neve 't Book Spokerijen in Limburg, verzameld door H.Welters besjteit ouch nog 'n Kempense versie: Spokerijen in de Kempen (verz. door Joahen Biemans).
- Ouch de verhaole euver de bokkeriejersj huère in de categorie volksverhaole.
- Volksverhaole van Voere: 'n Twintigtal volksverhaole va Voere zeunt opgetekend dör Rob Brouwers in d'r Koeënwoof nr. 7 (1992), 't heemblad va Voere e.o.
- 't Verzónke stedsje Vievere.
