Vleujstof

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

'n fles oliefaolje

Vleujstof is eine vanne aggregatietoestenj worin stoffe kónne veurkómme. In dezen toestandj is de stof vleujbaar, inne sjemie ouchwaal aafgekórt mit l (van liquide). Aafhenkelik vanne temperatuur verangertj de viscositeit vanne stof van sjruueperig toet dón-vleujbaar. Ouch kan de stof bie hieël lieëg temperature supervleujbaar waere.

Dore oppervlakdjespanning van 'n vleujstof te verlieëge kan dees hieël dón oetloupen en lóchbelle vörme.

'n Vleujstof in 'n smaal buus kan aafhenkelik vanne saort aan vleujstof en 't matterjaal vanne buus adhesie of cohesie vertuuene.

Vleujstoffe waeren op väöl gebiede toegepas, wie:

• smaermiddele, wie aolje;
• bakmiddele, wie plantjaerdige aolje;
• kracheuverbringmiddelen in hoeagdrökleijinge, wie hydraulische aolje bie 'nen trekker of in 'n remleijing van 'ne wage;
• verveursmiddele, wie water bie sleiphopperzugere;
• oplosmiddele, wie wasbenzien.

Slechs e bepirk aantaal aan zuver stoffe zeen bekèndj es vleujstof inne ieëste plaats (det wil zègke: bie kamertemperatuur en ónger drök van einen atmosfeer). Hie-ónger valle water, alcohol, aceton, kwik, kaolstofdisulfied, benzeen en 'n aantaal aan alkane (van pentaan aaf toet en mit hexadecaan). 'n Inkel stof mit hoeag viscositeit bliek zich toet ónverwachs es 'n vleujstof te gedrage, wie asfalt of bitumen, aangetuuendj door 't pekdróppelexperiment. Wiejer gedrage väöl (thermoplastische) kónsstoffe zich op groeate tiedsjaol wie 'n vleujstof; 'n extreem veurbild daovan is Silly Putty.