Veldeke-orgaan
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
't Veldeke-orgaan waor 't tiedsjrif van de dialekvereiniging Veldeke. 't Woort ouch waal gewoon Veldeke geneump, nao de naam van de vereiniging, die häöre naam te danke haet aan Henric van Veldeke.
Bie de opriechting van de vereiniging in 1926 woort ouch ’t Veldeke-orgaan oetgegeve. ’t Blaad versjeen 6 kièr per jaor in A5-formaat. Vanaaf de jaore 90 tot en mèt 2006 in A4 mèt ’n kaf in kleur, geseerd mèt 'n kunswerk.
In 2006 heel 't Veldekeblaad, nao 80 jaor, op te besjtoon. Tegeliek woort 'n speciaal nuuj Veldeke Jeugmagazine, gans in kleuredrök, gelanceerd.
Vanaaf 2007 kriege de Veldeke-lede in de plaats van 'n periodiek blaad 'n aantal nuujtsbreve en 'n Veldeke-jaorbook.
Inhoud
bewirkDe inhoud besjteit oet:
- verhaole en gediechte (in 't dialek) van Veldeke-lede oet gans Nederlands Limburg en Belsj Limburg
- artikele euver cultureel ónderwerpe: literatuur, theater, volkscultuur, film, muziek, tv- en radioprogramma's in relatie tot de sjtreektaal en de Limburgse cultuur
- besjrieving en recensies van nuuj dialekbeuk en dialekcd's en/of van Limburgse auteursj
- interviews mèt bekènde Limburgersj
- mètdeilinge van 't Hoofbesjtuur en diverse versjlage van oet de (12) Veldeke-kringe
Sjtreektaal
bewirkBekans alles sjteit in ’t dialek gesjreve. Ónder eder artikel sjteit in wélk van de Limburgse dialekte.
't Blaad ies ’n platform veur de beginnende en gevorderde dialeksjriever in Limburg. Literatuur op zien Limburgs weurt publiceerbaar en zoa ziechbaar veur edere belangsjtèllende lezer. Behalve veur de Limburgse cultuur ies d’r veural aandach veur taalkundige aspecte van de dialekte en ’t maatsjappelik draagvlak. Die belangsjtèlling uut ziech in dialectologische, volkskundige en cultuurhistorische artikele en besjouwinge euver de positie van Limburg en zien sjtreektaal.
Bloomlezinge
bewirkVan oet 't Veldeke-orgaan zint 'n paar bloomlezinge geselecteerd: