Val
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Vals, es te dit dialek sjpriks.
Val (Nederlands: Val-Meer, aajdtieds Fall-Mheer) is e dörp in Belsj Limbörg en 'n deilgemeinte vaan Riems. Vaanajds bestoont 't dörp oet twie gehuchte, Val en Meer, boebij Meer in 't noorde laog en Val in 't zuie;[1] later is dit ein kern gewore, die in de standaardtaol netsjes Val-Meer weurt geneump, meh in de volksmoond gewoen Val hèt.[2] 't Dörp ligk zuielek vaan Riems, westelek vaan Zèche-Zösse-Boolder en noordelek vaan Rukkelinge-Jeker en Bitsinge in Wallonië.
Val, es Falla in 1147 veur d'n ierste kier opgeteikend, waor 'n hierlekheid in 't graofsjap Loen, deil vaan de baljouwsjap Bilze. Meer (Mheer) vörmde same mèt Boolder 'n aander hierlekheid. Kèrkelek waore 't allebei keplaoneie vaan de parochie Miele.[1] Tot 1977 waor Val 'n apaarte gemeinte.
Louis-Joseph Kerkhofs, vaan 1927 tot 1961 bisjop vaan Luik, is gebore in Val.[1]
Referenties
bewirk- ↑ 1,0 1,1 1,2 Gemeente Riemst - Val-Meer. Een historisch-geografisch portret
- ↑ Volksnaome vaan plaotse in d'n Haspegouw
| |
|---|---|
| Deilgemeintes, dörper en gehuchte:
Genoens · Joddere · Kan · Memmerke · Miele · Riems (Heukelóm) · Val (Meer) · Vlèètege (Laofelt) · Vroenhove · Zèche-Zösse-Boolder (Boolder · Zèche · Zösse) | |