Äöpen houfmenu

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Ole Lukøje, de Daense versie van 't Pöpsemenke.

't Pöpsemenke of 't Zandjmenke verwies nao e vouksgeluif van 'ne kabouter dae körrelkes slaopzandj inne ouge van kinjer struitj zoeadet die gaon slaope. Me zaet van 't menke det t'r oppe maon wóntj.

Es bewies wuuert 't pöpsezandj aangeveurd det me smorgesvreug inne ougheuk haet zitte. Hieveur mót me zich smorges de pöpse oete ouge wrieven of wasse, zoeadet me neet trögk in slaop viltj.

't Pöpsemenke wuuert in 't Nederlandjs Klaas Vaak geneump. Euver groeate deile van Europa guuef 't parallelle, wie inne verhaole van Hans Christian Andersen, dae sjreef euver Ole Lukøje (in 't Zweeds: Jo(h)n Blund). Hae duit aevel geine zandj inne ouge streuje, meh spötj mit zeute mèlk inne kinjerouge, zoeadet zie gooj droume kriege. De naam Zandjman of Zandjmenke is algemein en wuuert ouch gebroek in 't Ingels en 't Duutsj. Op 't Frans hètj t'r aevel marchand de sable "zandjkoupman".

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pöpsemenke&oldid=437592"