Andrej Toepolev

(Doorverweze van Tupolev)

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.


Andrej Toepolev

Andrej Toepolev, 10 november 1888 Postomazovo, Ruslandj - 23 december 1972, Moskou woor eine Russische pionier in de boew van vleegtuuge. Hae waas al sjnel geobsedeerdj door vleege en hae boewdje inkele vleegtuugskes.

Biografie bewirk

Op 22 oktober 1922 richdje hae Tupolev Design Bureau op. Andrej waerdje in 1937 opgepaktj en kreeg teen jaor gevangenissjtraof omdet ze dachte det hae ein fascistische partiej wol oprichte. Nao zeve jaor waerdje hae vriejgelaote en kwaam hae biej eine vleegtuugboewer te werke dae jachvleegtuuge boewdje. Zien eerste succesvol vleegtuug det hae boewdje waas de Tu-4 Bull, eine Russische B-29. De Tu-4 waerdje vervange door de Tu-95 Bear. Ouch dit vleegtuug waas ontworpe door Tupolev en ouch de Bear waerdje ein succes. Tupolev Design Bureau boewdje ouch civiel vleegtuuge wo onger de succesvolle Tu-114, de Tu-134 en de Tu-154. 't Boewdje ouch de "Russische Concorde", de Tupolev Tu-144 Charger dae ouch waal Concordski waerdje genumpdj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Andrej_Toepolev&oldid=451684"