The Thunders
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
The Thunders waas 'ne 4-koppige Moferse beatband inne sèstiger jaore. De band haw regionaal bekèndjheid verwórve. Zie höbbe twieë singles gemaak.
Häöre meziek is gooddeils geïnspireerdj op rock-'n-rollartieste wie Chuck Berry en de Rolling Stones. The Thunders wore gezeen es rebels door häör lang haor en ruug kleiaasj. Mer ouch de opveuring zelf waas ruug, zoea heef d'n drummer döks stekker door 't trómvel haer.
De band bestóng oet de volgendje leje:
- Pieter Zeelen, baeter bekèndj es Pieter van Sef vanne Seel, gitaris en zenger.
- Bair Suijlen, inne wanjeling Baer vanne Zuul, slaaggitaar.
- Jo van Pol, basgitaar (gestórven op 24 juni 2020).
- Jan Feller, inne volksmóndj Jan vanne Feller, trómmels.
Op 17 september 2016 kwaam de band biejein veur e riwweniekónzaer in Häör; häör aafsjiedskónzaer waas in mieërt 2017 biejen Hoes in Mofert.
Discografie
bewirk- Johnny’s back (1965)
- Johnny’s back (in town)
- Take me the way I am
- Turn me loose (1966)
- Turn me loose
- I’m the one you left behind