Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


Sultan Mehmed II woor eine van de bekindjste sultans van 't Osmaans Riek.

'ne Sultan is 'n benaming van heersers in Oostere gebeje; ze sjtaon aan de mach van 'n sultanaat.

In Brunei haet me noe nog altied 'ne sultan. In Maleisië, det 'n federatie is van väöl sultanate biejein, weurt de keuning gekaoze oet alle sultans. Hae deent den veur 'n periood van vief jaor.

Ouch in Indonesië zeen nog sultans: de sultan van Jogjakarta, dae ouch goeverneur is, de sultan van Surakarta (Solo), 'n paar sultans in Cirebon en nog versjpreid euver de res van 't landj 'n paar.

De bekindjste sultans wore die van 't Osmaans Riek, die ouch waal keizer waerde geneump.

Etymologie bewirk

't Waord sultan kump oet 't Arabisch: سلطان‎‎ sulṭān, oetgesjpraoke es [sʊlˈtˤɑːn, solˈtˤɑːn] soeltaan of sóltaan mit de klemtoon op de litste littergreep. De Osmane zelf gebroekde 't waord sultan eigentlik neet. Häöre leider waerde dao padişah (keizer) of hünkar geneump.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sultan&oldid=414569"