Staots-Baove-Gelder
Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.
Staots-Baove-Gelder (Nederlands: Staats Opper-Gelre) waas 'n Generaliteitsland van de Rippubliek vaan de Zeve Vereinegde Nederlen wat saer de Vrae van Utrech in 1713 bestónd. 't Ald Kerteer Baove-Gelder, wat wies dan touw van de Habsburgers waas gewaes, kaom toen aan Pruses en de Nederlande, um de euverwinning in de Spaonse Successieoorlog. 't Bestónd oét veer enclaves; mit 't Verdrag van Fontainebleau kaom 'n viefde debeej.
Umvang
bewirk't Generaliteitsland umvatde de volgende plátse:
- De stad Venlo mit 't Fort Sint-Michiel;
- 't Amb Mofert
- De stad Mofert
- De stad Lin
- De Nuujsjtad
- De schepebank Berg ane Roer
- De schepebank Ech
- De schepebank Vlorp
- 't Dörp Belvend
- 't Dörp Postert
- 't Dörp Roostere
- Bezel (inclusief De Ruiver)
- De Laak
- G'n Oea
- Staeveswaert
Nao 1785 huuerde ouk Opbeech en Papenhaove beej Staots-Bove-Gelder.
Neet in Staotse hande waore Tegele (mit Steil), Zwame, Remund, Herte, Zöstere, Bor en nog get ander plátse, die tösse de enclave inlaoge.
Ontbinding
bewirkMit d'n inval van de Franse en de stichting van de Bataafse Rippubliek woort Staots-Baove-Gelder ontbónde en beej de Ierste Franse Rippubliek geveug; 't góng huuere beej 't departement van de Roer. Noe huuert gans 't gebeed beej de provincie Nederlands Limburg.