Zjweikese: Versjèl tösje versies

{{Dialek2|Valkebergs|Sjènnes}}

'''Zjweikese''' of '''Sjweikese''' (Nederlands: Sweikhuizen) is 't kleinste kirk[[dörp]] en 'n ech bergdörpke va de [[gemeinte]] [[Sjènne]]. 't Lik tösse [[Gelaen]] en [[Pöt]] in. ([[Nederlands Limburg|Zuud Limburg]]). De naam zou kómme van de samevoging: zwei (2) en huize. De beboewing in 't begin haet gelege tösje twiè hoezer, waarsjienlik de [[Sjtammenhaof]] en de [[Biessenhaof]]. De lètste liek op [[Gelaens]] gebeed. 't Gebeed waor toen eigendóm van de Hière van Sjènne en waor groater dan tegenwoordig. 'n Ander verklaoring van 't 1e gedeilte van de naam kèn zin ''sweyck'', dat ''zwaag'' of weiland beteikent.

In 2002 wone d'r 800 luuj.

* De [[Katholiek]]e kèrk gewiejd aan de [[heilige]] [[Dionysius]] en [[Odilia]] sjteit miedde in 't dörp. Ze ies in 1739 (in de veurgevel sjteit 't jaortal oetgebeeld in mergelblökskes) opgetrokke oet baksjtein. Op de heuk ies 't geboew verseerd mèt mergelblök. Ouch de nao veure sjpringende inganksrisaliet ies zoa verseerd. De deur en vènstere höbbe rón bäög. Op 't daak sjteit 'ne daakruter es tore. In 1953 ies de kèrk oetgebreid. Binne bevingk ziech 'n [[barok]] [[altaor]] oet 1740, aafkómstig oet de kèrk van [[Munstergelaen]]. De praeksjtool dateert oet de 15e ièw en haet 10 gesjneje houte panele. Odila, haet 'n eige [[kapel]]. Zie ies de petroan[[heilige]] van de blinne. Rónd häör óntsjteit in 1929 'n speciaal devotie, die ziech uut in jaorlikse [[baevaart]]e op de veurlètste zaoterdig en zóndig in juni.

* Bekind oet Sjweikese zunt de Sjweikeser rèngeloate proeme.(Reine Claude)

* Ein aantal [[vakwerk]]hoezer en boerehäóf.

* Hellingbösj, velder en [[holle waeg|hol waeg]] in de umgeving.