Limbörgse Academie: Versjèl tösje versies
bron, sikkertaris Limburgse academie |
(gei versjil)
|
Versie op 21 aug 2020 14:29
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Limbörgse Academie is in 2007 opgeriech es stiechting zoonder winsougmerk mèt zetel in Mestreech. Häör doel is ’t Limbörgs mèt al zien dialekte te behawwe en wijer te oontwikkele. Daoveur weurt aongeslote bij de digitaol oontwikkelinge. Mèt digitaol taolprodukte weure Limburgssprekers mie digitaol meugelekhede geboje. Zoe weurt ’t Limbörgs gemekeleker digitaol te gebruke en ziechbaarder gemaak.
De Limbörgse Academie verbint de Limbörgse taol mèt al häör dialekte mèt d’n digitaole wereld. Door gratis digitaol taolprodukte te oontwikkele gief de Limbörgse Academie Limburgers mie digitaol meugelekhede in hun eige Limbörgs dialek, op mobielkes en op de computer.
De Limbörgse Academie gief ouch oonderzeukers mie digitaol meugelekhede um ’t Limbörgs te bestudere. Oonderzeuk hölp um de digitaol taolprodukte beter te laote aonslete bij wie Limbörgers hun taol gebruke. Daoveur weure zoeväöl meugelek Limbörgse tekste in alle dialekte verzameld in e Limbörgs Corpus en, es nudeg, digitaol gemaak. Dat Limbörgs Corpus deent es basis veur oonderzeuk, meh ouch veur 'nen dictionair vaan 't Limbörgs mèt al zien dialekte te make. 't Limbörgs Corpus kump ouch besjikbaar online es Digitaol Bibliotheek.
Op de in 2020 vernuide website limburgs.org steit ein taolproduk, naomelek Swiftkey. Swiftkey is 'ne gratis toetsebord-app vaan Microsoft veur mobiel tèllefoons en aander mobiel applicaties um gawwer Limbörgs te sjrieve. Mie informatie euver gebruuk vaan Swiftkey en 'ne link veur 'm te downloade vaanoet de App Store of Google Play stoon op de website vaan de Limbörgse Academie. Op Swiftkey kint geer ouch Limbörgs es taol instèlle um zoe gemekeleker in eder Limbörgs dialek te appe. Dees Limbörgse taolmoduul is oontwikkeld door Microsoft in samewèrking mèt de Limbörgse Academie.