't Begrip '''Supranationalisme''' (vaan 't [[Latien]] '''supra''', ''bove'' of ''über'', en '''natio''', ''volk'' of ''staot''), of 't vreuger gengbaar [[syoniemsynoniem]] '''Überstaatlichkeit''', kinteikent 'n niveau of 'ne force bove de nationaol [[staot]] of de [[nationaliteit]]. De supranationaliteit is inbezunder e begrip vaan 't [[internationaol rech]] en de [[polletiek]]e [[weitesjap]]pe. 't Beteikent 'n versjuiving vaan de [[wètte]]lek bevoogheid vaan de natiestaot nao 'n aander, hoeger euverheid, die ouch wel 'n supranationaol organisatie geneump weurt. 'n Dergelek niveau kin ouch dèks bindend beslete bove de natiestaote die verwand zien aon dees organisatie. Zie kin de rol bekleie vaan tösseforce tösse versjèllende len, wie de [[Vereinegde Naties]] - die dèks pas weure opgerope es len 't ech neet mètein ins lieke te rake - mer zie kin ouch de vörm aonnumme vaan 'n regering opziech die op väöl vlakke eveväöl macht of soms zelfs miet mach heet es de len die oonder häör bewind valle. In de wereld zien veer dit allewijl allein bij de [[Europese Unie]], die in väöl opziechte es 'n oonaofhenkeleke staot opziech functioneert. Allewel versjèllende aandere supranationale organisaties wie de [[Euraziatische Unie]] en de [[Afrikaanse Unie]] dees rol ouch gere zawwe wèlle aonnumme is dat bij hun in de praktijk zjus neet 't geval, en höbbe ze dèks nog minder mach es de VN. Zie zien meistens [[intergouvermentalisme|intergouvermentaol]] vaan eerd. In de EU gief 't evels al sinds häör opriechting discussie euver de belans tösse intergouvermentalisme en supranationalisme, door partije vaan bei kante.
