Kiev: Versjèl tösje versies
Verwijderde inhoud Toegevoegde inhoud
Geen bewerkingssamenvatting |
KGeen bewerkingssamenvatting |
||
Tekslien 5:
Wienieë de hoofsjtad van Oekraïne woeëd gesjtich, is óndudelig. Volges de Nestorkroniek, e manuscrip oet de 12e ieëw, woar dat in d'r 9e ieëw, wie de Varjage oet [[Scandinavië]] hei koame. In 't lank doarumhin woeënde de [[Poljane]], e Slavisch volk. Hei óntsjtóng óch 'n handelsroute, die Scandinavië mit de [[Sjwatte Zieë]] verbóng. Kiev beleëfde zinge bluitied tussje 882 en 1169, wie 't de hoofsjtad van 't [[Kievse Riek]] woar. 't Houw in deë tied zeker 30.000 iwuënesj en woar doamit ing van de groeëtste sjteë van Europa. Aan dees periode koam in [[1240]] definitief 'n ing; de Mongole maakde de sjtad mit d'r grónk geliek. In de zes ieëwe die doaróp volgde, woar Kiev 'n provinciesjtad in 't [[Pools-Litouwse Gemenebes]]. De sjtad gruide hel in d'r [[19e eeuw|19e ieëw]].
Noa d'r [[Ieësjte Weltkreeg]] woeëd Kiev mieëder kiere veroaverd durch versjillende sjtriedende partieë: Oekraïense nationaliste, bolsjewieke, de Witte armee en [[Pole]]. Oetintelig hant de bolsjewieke gewónne, wat tot gevolg houw dat Kiev en Oekraïne vuur zieëvetig joare e deel van de [[Sovjet-Unie]] zouwe weëre. In [[1941]] woeëd Kiev veroaverd durch Nazi-Dütsje tróppe. Get boete de sjtadsmoere, in 't revien van Babi Jar, woeëde zeker 33.000 joede vermoard. In 2004 woar Kiev 't tonieël va fel demonstraties van aanhengesj va [[Viktor Joesjtsjenko]] teëge de vervalsing van d'r verkezingsoetsjlaag durch aanhengesj van [[Viktor Janoekovytsj]].
[[Categorie:Huidsjtaej]]
|