Primera División: Versjèl tösje versies

De '''Primera División''' (vanwaege sjponsorrechte ouch waal de '''La Liga Santander''' genumd) is de hoogste [[Sjpaanse foetbalkómpetisie]]. De twintjig klubs sjpele ein kómplete kómpetisie om te bepaole waem zich landjskampioen van Sjpanje moog numme. De óngerste drie degradere aan 't inj van 't sezoen, en waere vervange door de nummer 1, 2 en ein door play-offs te bepaole team van de [[Segunda División A]]. In totaal höbbe 59 teams ootj ein keer deilgenaome aan de Primera División en nege van hen höbbe 't landjskampioensjap behaold. Sins de jaore 50 zin 't veurnamelik [[Real Madrid]] (33 titels) en [[FC Barcelona]] (25 titels) diej de Primera División dominere. Daonaeve haet de Primera División ouch de volgende kampioene gekènd: [[Atlético Madrid]], [[Athletic Bilbao]], [[Valencia]], [[Real Sociedad]], [[Deportivo La Coruña]], [[Real Betis]] en [[Sevilla]]. Toet noe toe wis 25 keer ein klub oet de Primera División de finale van de [[Champions League]] (de hoogste trofee binne 't Europese internasjonale klubfoetbal) te bereike, wo-in d'r ein rekoar aantal van viefteenmaol waerde gewonne. De Primera División waert volges 't IFFHS es beste Europese foetbalkómpetisie gezeen en 't is de sjterkste kómpetisie in Europa volges de UEFA-koëffisiënte. Op basis van dees koëffisiënte kwalifisere de nummers 1-3 zich veur de Champions League, de nummer 4 plaats zich veur de veurrunj van de [[Champions League]] en de nummers 5-6 kwalifisere zich veur de [[Europa League]].