't Ewegvalle va de vroag noa koale hat es gevolg dat de sjleting va de koele i g'n [[MiensjtreekMiensjtrieëk]] neet te vermiede woar. De letste koel woar de [[Oranje Nassau I]] i [[Heële]]. Ze woar in productie bis 1974. In 1965 kondigde 't kabinet Cals ([[KVP]], ARP, [[PvdA]]) al de sjletinge va de Limburgse koele aa, weil ze economich ónrendabel begóste te woeëde.
[[Zuud-Limburg|Zuud-]] en [[Midde-Limburg]] make deel oet va e groeëter sjteenkoaleveld, dat zich oetsjtrek va [[Ibbenbüren]] in 't noarde va [[Noardrien-Wesfale]], bis i g'n ouw Noard-Franzuësisje regio [[Nord-Pas-de-CalesCalais]]. Dit sjteenkoaleveld woeëd gevörmt in 't geologisch tieëdperk van 't [[Wesfalien]] (313-309,9 [[Mega-annum|Ma]]), 'n deelperiode van 't [[Carboon]] (359,2-299 Ma). I d'r [[twelfde iew|twelfde ieëw]] woeëd vuur 't ieësj koale gedolve i ge daal van 't revierke de [[Worm]] bei [[Kirkroa]]. In 1723 kreeg 't kloeëster va [[Rolduc]] 't rech óm 't sjteenkoaleveld i g'n umgeëving va Kirkroa te exploitere. Dit gebeed sjtang sjpieëder bekank es de [[Domaniaal]]. Vanaaf 1901 woeëd 't gebeed va Kirkroa bis aa Zittert-Geling (de Oeëstelige en Westelige Miensjtreek) durch d'r Sjtaat geëxploiteerd.
