Wie gezag höbbe sommege werelde 'n atmosfeer, die de vörming vaan klein kraters veurkump. Dat is evels neet de insegste reireie boeveur d'n eine wereld mie kraters kint es d'n aandere. Ze vergoon ouch door de mieljoene jaore heer door [[erosie]]. 'n Atmosfeer beteikent ouch tot 'n hiemelliechaam [[weer]] kint. [[Rege]] en [[wind]] doen berg, en dus ouch kraters, aofsliete. [[Leve]], zeker miecelleg leve, kin ouch vaan groeten invlood zien. En zelfs op werelde zoonder atmosfeer valle kraters nao mieljarde jaore laankzaamlankzaam in, al waor 't mer doortot nui kraters dao-euverheen koume. Zoe höbbe de nuiste kraters op de Maon dèks nog 'nen dudeleke straolekrans, dewijl die vaan veer mieljard jaor aajd hunne middepiek dèks al kwiet zien.
WijersWijer kinne kraterkraters verdwijne door [[geologie|geologische]] factore. [[Eerdsjók]]ke, meh veural [[völkaon|völkanisme]] wisse ze oet. Zoe vint me in de [[maonzie]]ë väöl minder kraters es op 't hoegland, wat neet door [[lava]] is euverspeuld. Op [[Mars (planeet)|Mars]] zuut me get vergeliekbaars: de kraters ligke in groete mierderheid op 't hoeger gelege zuielek haafroond.
