Apollo-program: Versjèl tösje versies

In 't program mooste gaans nui ruimtevaartuige weure oontwikkeld. Bij aonvaank vaan 't program waor de [[Mercury-program|Mercury]] de rakèt boemèt [[Alan Shepard]] d'n iersten Amerikaan in de ruimte woort. Via de oontwikkeling vaan de [[Gemini-program|Gemini]]-ruimtevaartuige, boemèt steeds twie lui de ruimte in woorte gelanceerd (boe-oonder ouch [[Neil Armstrong]] en [[Edwin Aldrin|''Buzz'' Aldrin]], die es ierste op de maon zouwe landeneerkoume), kaom 't tot de oontwikkeling vaan de [[Saturnus (rakèt)|Saturnus]]-rakèt en de [[Apollo-module]].

In ierste instantie waor 't idee um 'n ruimtevaartuig te oontwikkele wat in zien gehiel nao de maon zouw vlege, dao landeneerkoume, en weer trök zouw vlege nao de Eerd. Dit kós op twie menere: ein hiel groet ruimtevaartuig wat vaan de Eerd woort gelanceerd, of mierdere kleinere die in de ruimte woorte gekoppeld en vaan dao oet nao de maon zouwe vlege. 't Ierste veel al snel aof umtot dit veur minseleke begrippe 'n gigantisch groete rakèt zouw weure. Oeteindelek woort gekoze veur 'n miertrapsrakèt mèt 'n commandocapsule en 'nen apaarte maonlander. De commandocapsule bleef in 'n baon um de maon wijl de maonlander op de maon zouw landeneerkoume. Bij 't opstijge vaan de maon bleef 'n deil vaan de lander achter. De res koppelde weer mèt de commandocapsule, boenao 't maonlander deil weer woort aofgestoete.

De maon-module waor oontwikkeld um op de maon neer te landekoume en daovaan weer op te stijge. De constructie waor zoe liech in gewiech tot ze op de Eerd neet zouw kinne vlege. D'r kóste twie bemanningslede in plaotsnumme en ze bestaond oet twie deile, 'n landingsdeil en 'n opstijgdeil. In 't landingsdeil kóste experiminte weure opgeslage en de maon-oto.

Apollo 8 woort gelanceerd op 21 december 1968 en vloog in 3 daog nao de maon. Dao drejde de capsule in 20 oor 10 runnekes um de maon, en op 24 december vloge zie trök nao de Eerd boe ze op 27 december weer landeneerkoum.

Op 16 juli 1969 woort Apollo 11 gelanceerd mèt aon boord [[Neil Armstrong]], [[Edwin Aldrin|Buzz Aldrin]] en [[Micheal Collins]]. Op 19 juli 1969 kaom de commando-module en de maonlander in 'n baon um de maon. Einen daag later woort de maonlander mèt Armstrong en Aldrin aon boord losgekoppeld. Iers woort 'ne soort pirouette gemaak, zoetot Collins kós controlere of 't landingsgestèl good oetzaog. Tijdens de landing raakde de boordcomputer euverbelas boedoor alle alarme aofgónge, mer binne 15 seconde kós [[mission control]] melle tot niks aon de hand waor. Ouch Armstrong waor neet oonder d'n indrök, umtot volges häöm alles prima wèrkde. Heer zaog evels pas hiel laat tot de landingsplaots bezejt waor mèt rotsblokke (''zoe groet wie 'n Volkswagebös''). Armstrong kós evels vrij gemekelek de maonlander 'n stök weier laote vlege, oondaanks tot 't brandstofpeil gevaarlek lieg woort. Oeteindelek landde heer de maonlander op 'n vlakde die heer ''Tranquility Base'' neumde. Oondaanks tot zie noe iers zouwe mote röste dege zie metein hun ruimtepakke aon en gónge zie nao boete op 't momint tot d'n drök dat touwstoont. Zoe woort Armstrong d'n ierste maan op de maon mèt de memorabele wäörd: ''That's one small step for a man, one giant leap for mankind''. Vieftien minute later stoont ouch Aldrin op de maon. Einentwinteg oor later stege zie weer op, mèt get improvisatie: doortot de ruimte in de maonlander zoe krap waor hadde zie de startknóp draof gestoete. Aldrin kós de motor evels starte door 'n pen in de opening boe de knop zaot te duie. Mèt 21,5 kilo maonstein aon boord landekoum zie neer op 24 juli 1969 in de [[Groeten Oceaan]].