Meuleveld (Venlo): Versjèl tösje versies

De naam geit truuk nao 'n meule, dae in 'n veld stóng beej de Springbaek, kórt beej wao zie oetkam in de Maas. Lang waar Meuleveld ouk 'n agrarisch gebeed, mit vuuel landboewgrónk en glastuinboew. Me kint 't agrarische verlede ouk zeen aan de alder hoezer (dök kleine häöf) die me tösse de nuuj in zeet. Die hoezer kint me veural vinge aan de Caeserlaan, de Meuleveldlaan en ein deil van de Zalzerskampwaeg. In 1975 begós de aanboew van de villawiek. 't Ierste deil woort opgelaeverd in datzèlfde jaor, en 't twieëde deil waar tösse 1978 en 1980 vaerdig. Rónk 2005 woorte op 'n veurmalig terrein van 't transportbedrief Beeren nog 22 hoezer debeej geboewd. De straote in Meuleveld zeen dök verneump Romeinse schrievers en dichters. Óngevaer op de plek wao Houblierik laog, laog ouk de Romeinse nederzetting [[Blariacum]], wao zoeëwèl [[Blierik]] es Houblierik nao zeen verneump.

De wiek is ruum opgezet, mit rume hoezer, veural twië ónger ein kap. De hoezer aan de Maas zeen get groeëter es in de res van de wiek. Wiejer zeen dao dreej saorte straote. De brei straote mit aan bei ziej eike of lindebuim, de ziejstraote mit klinkers mit aan ein ziej buim en de ''woeënerve''. Centraal in de wiek leejt ein park. Wiejer zeen d'r gein veurzieninge.