Lingsfort: Versjèl tösje versies

'''Lingsfort''' is 'n naoberschap det huuert beej 't dörp [[Árse]] in 't stadsdeil [[Árse en Velde]] in de Limburgse gemeinte [[Venlo]]. Lingsfort haet 170 inwoëners, besleit 'n óppervlekde van 131ha en leejt oëstelik van 't dörp Árse zelver en 't leejt ouk aan de päöl mit 't Pruus. De naom geit truuk óp 't fort 't Lingsfort, die geboewd woort t'r verdediging van 't door de Spanjaarde gegrave [[Fossa Eugenia]] (in Napoleontische tied: [[Canal du Nord]]). Dit fort woort oétgerös mit döbbele aerde walle, die nog steits te zeen zien. 'n [[leng]] of ''ling''' wird gebroek um zwaere schutsloezer te bedene. Aan 't kanaal Fossa Eugenia woort, um 't hoeëgteverschil vanoét 't Maosdaal, 'n sloes geboewd. In d'n [[Tachtigjaorige Aorlog]] woort 't sloezekompleks Lingsfort, die in beheer weur van de Spanjaarde, mierder male door Hollandse (Staatse) tróppe geattekeerd, aevenes es 't naoburige [[Fort Hazepoot]]. Door aorlogshendelinge en 't geldgebebreke dao nao, woort 't kanaalprojèk neet veurtgezèt, allewiel Napoleon viel laeter 't ouk probeerde, mer tevergaefs.