Zuud-Bevelank: Versjèl tösje versies

'''Zuud-Beveland''' ([[Nederlands|Ollesj]]: ''Zuid-Beveland'') is 't oeëstelige deel va [[Zieland|Zieëland]]. Zujelig grénsj 't gebeed aa d'r [[Westerschelde]], noardelig aa [[Naord-Bevelandj|Noard-Beveland]] en d'r [[Oosterschelde]]. Westelig grénsj Zuud-Beveland aa [[Walchere]] en oeëstelig aa de provincie [[Noord-Braobant|Noard-Brabangk]]. 't Gebeed besjteet oet de gemeente: [[Goes]], [[Kapelle-Biezelinge]], [[Borsele]] en [[Reijmerswaal]]. Bei mekaar tilt Zuud-Beveland óm en bei 92.081 lüj. (De letste gegaevens sjtamme oet 2006.) In Zuud-Beveland zint de mieëste lüj [[gerifformeerd-protestants]]. Vruëger besjtónd 't gebeed oet [[sjlikke]] en [[sjorre]] mit eilendsjes, deë sjpieëter ingepolderd zint. Dizze polders kingmarke zich dikkèls durch e klieëne flaak. I 't gebeed óntsjtónge in de [[Middelieëwe]] versjèllende sjteëj, wie: Goes (de gruëtste va Zuud-Beveland mit 26.920 lüj (1-1-2010)), [[Kapelle]], Borssele, [[Kruiningen]] en [[Yerseke]]. Yerseke sjteet óch bekangd om zing [[mósjel]]e en [[oester]]s. 't Tamp va 't gebeed weëd gebroek vuër akkerlankboew. Zuud-Beveland vangk óch 't gruëtste deel va 't verkieër va Zieëland. De belangriekste weëg zint d'r autosjnelwaeg A58 en inne kórte sjtök autosjnelwaeg, de A256 geneump, bei Goes. De A256 geet uëver i d'r N256 noa Noard-Beveland en [[Schouwen-Duiveland|Schouwen]], deë uëver de bereumde vieëf kilometer lange [[Zieëlandbrögk]] lup. Anger belangrieke weëg zint de [[N62]], [[N254]] en de [[N289]]. D'r N62 lup via de in 2003 ge-uëpende [[Westerscheldetunnel]] noa [[Zieëws-Vlaondere]]. D'r lup óch inne ieëzerweëg va [[Bergen op Zoom]] noa [[Vlissingen]].