Islamitische Staot: Versjèl tösje versies
Verwijderde inhoud Toegevoegde inhoud
Geen bewerkingssamenvatting |
→D'n Islamitische Staot vaan Irak en de Levant (2013-2014): nog zoonder brónne |
||
Tekslien 62:
=== D'n Islamitische Staot vaan Irak en de Levant (2013-2014)===
Op [[8 april]] [[2013]] leet [[Al-Baghdadi]] in 'n audioberiech weite tot ''Al-Nusra Front'' is opgeriech, gefinancieerd and gesteund door d'n Islamitische Staot vaan Irak, en tot de twie gróppe veurtaon wijer zawwe goon oonder de naom ''Islamitische Staot vaan Irak en Al-Sham'' (''Al-Sham'' is [[Arabisch]] veur de [[Levant]]). Al-Julani oontkinde dit evels en stèlde tot niemes hei euver waor geadresseerd. In juni [[2013]] reporteerde [[Al Jazeera]] tot 't 'n breef had oondersjöp gesjreve door al-Qaeda's leier [[Ayman al-Zawahiri]], geadresseerd nao de twie leiers vaan de ISIA en de ANF, boe-in heer ouch de formatie oontkint en vraog um verzeuning tösse de twie gróppe. Nao ach maond, in fibberwarie [[2014]], ootnboond Al-Qaeda alle relaties mèt ISIL.
Volges de journalis [[Sarah Birke]], gief 't e paar essentiële versjèlle tösse al-Nusra Front en ISIL. Wijl al-Nusra actief oproop veur de vaan de Assad-regiering, hilt ISIL ziech väöl mie bezeg mèt 't vergroete vaan eige land um zien visie op de Islam te verwezeleke. Veur ISIL zaw de börgeroorlog tege Assad dus allein mer 'ne kans zien gewees um indelek de eige agenda te realisere. Ouch stèlde zie tot ISIL väöl grover en meedoegeloezer is in 't bouwe vaan 'nen islamitische staot. Ouch is al-Nusra zoe good es gans opgeriech en bekleid door Syriërs, wijl ISIL veur e groet gedeilte door boetelenders in leve weurt gehawwe. ISIL heet es direk buul de [[sharia]] te verwezeleke in eder gebeed boe 'r aon de mach kump. Allewel ANF ziech ouch profileert es orthodox-islamitisch, waor hun polletiek in de praktiek nog erg mild. Oondertösse had de veurmaolege Islamitische Staot vaan Irak al versjèllende plaotse in Syrië in zien hen, wie de veer grenssteij [[Atmeh]], [[al-Bab]], [[Azaz]] en [[Jarablus]]. De ierste groete boetelandse interne gróp vaan ISIL begós noe hel te greuie, ''Jaish al-Muhajireen wal-Ansar'' of JMA: de [[Rössisch]]taolege jihadiste vaan ISIL. In november [[2013]] woort de JMA opgesplits. De [[Tsjetsjenië]]r ([[Rösland]]) [[Abu Omar al-Shishani]] zweerde 'n ood vaan alliantie veur al-Baghdadi en leet zien JMA dus opgaon in ISIL. 'n Deil vaan de gróp besloot al-Shishani neet te volge en bleef dus doorgaon oonder de oonaofhenkeleke JMA, die hiel gauw zaw verdwiene vaan de kaart es serieus te nömme gróppering in de Syrische oorlog..
In [[jannewarie]] [[2014]] gónge twie gróppe die veurheer vijande waore, 't Islamitisch Front en de door de [[VS]] getrainde ''Free Syrian Army'' te aonval tege ISIL in en roontelum [[Aleppo]]. In mei 2014 reep [[Ayman al-Zawahiri]] al-Nusra Front op um te stoppe mèt 't aonvalle op ISIL. In juni 2014, nao versjèllende gevechte tösse de twie gróppe, besloot de al-Nusra-gróp vaan 't Syrisch stedsje [[Al-Bukamal]] de vreij te sluite mèt ISIL. In middel-juni 2014 kaom ISIL tot aon de [[Jordanië|Jordaonse]] grens en arresteerde ederein die de grens euver perbeerde te gaon in veel oonder 't vijandsjap vaan ISIL. Bepaolde stamme in [[Saudi-Arabië]], die väöl euverein höbbe mèt die vaan Oos-Syrië en Wes-Irak, begóste noe ouch ISIL te steune.
=== D'n Islamitische Staot (juni 2014-allewijl)===
| |||