Hendrik van [[GelreGelder]] waas de jóngste zoon van [[Gerard III van GelreGelder]]. Waarsjienlik is d'r in [[1226]] in [[Kloeaster Kamp]] gebaore. Hae kwoom in de loup vanne [[dertiende ieuw|dertieënde ieëw]] in `t bezit van inkele Gelderse gebiede. Dees gebiede waerdje de [[Hieërlikheid Mofert]]. Róndj `t jaor 1260 boewdje d'r `t [[Kestieël Mofert]]. Hae waas van [[1247]] toet [[1274]] [[prins-bisjop]] van [[Luuk]]. Hae waerdje namelik door Paus [[Gregorius X]] 'onieërvol' ontslage omdet 'r zich neet bisjopswaerdig gedroog. Hendrik woor dao neet blie mit, want op dees meneer leep d'r inkómste mis. Hae troch doaróm dökker mit e legerke door 't landj van Luuk óm te klauwe. Op e gegaeve moment hawwe de Luukenieëre dao genog van, en verklaordje 'm in [[1277]] 'vogelvrie'. Det woor doe zien raeje om e testament op te stèlle.
In [[1284]] leep Hendrik mit zie leger bie [[Franchimont]] inne val. Hae kós nag net wegkómme, mer de Luukenieëre zote 'm achternao. Veur det 'r op 't Kestieël kós komme, waerdje d'r door zien achtervolgers tusse [[Lin]] en [[Mofert]] mit 'ne knots ziene kiebes ingehauwe.
Wie d'r doead woor èrfdje ziene naef [[Reinoud I van GelreGelder]] de [[Hieërlikheid Mofert]].
