Dürer waor de zoon vaan 'ne [[Hongarieë|Hongaarse]] goudsmeed dee ziech in Duitsland heedheet gevesteg. In [[1486]] woort Dürer lierlingsjèlder in 't atelier vaan Neurenbergs veurnaomste sjèlder, [[Michael Wolgemut]]. In [[1490]] góng heer op reis nao 't zuie en bezeukde heer [[Basel]] en [[Colmar]]. In [[1494]] góng heer nao [[Venies]]. e Jaor later openteupende heer zien eige atelier in Neurenberg. Dao maakde heer veural grafisch werk. Tösse [[1505]] en [[1507]] bezeukde heer opnui [[Italië]]. Heer bleef veural in Venies, boe heer 't werk vaan [[Giovanni Bellini]] bestudeerde. Tösse [[1520]] en [[1521]] bezeukde heer nog de lieg len. Heer bleef veur de res vaan zien leve in Neurenberg woene. Dao maakde heer zien veurnaomste werke boe-oonder väöl portrètte. Dürer heet väöl werke achtergelaote; zoe'n 70 sjèlderije, 350 houtsnedes, 100 kopergravures en 900 teikeninge.
