Kesjtièl Genhoes: Versjèl tösje versies

'''Kesjtièl Genhoes ''' ies 't sjtamkesjtièl van de hière van [[Valkeberg]]. De oarsjpróng van 't sjtedsje [[Valkeberg (plaats)|Valkeberg]], dat ziech 'n paar kilomaeter nao 't weste bevingk, liek waarsjienlik in Oud-Valkeberg. De ièrsjte gesjreve vermelding van ''Valkeberg'' ies ein oarkónde van 15 februari [[1041]] mèt de naam ''Falchenberch'' d'r op. Dao ies waarsjienlik diet good mèt bedoeld. Kesjtièl en boerderie zint gesitueerd aan de [[Geul]], achter de parochiekèrk van Oud-Valkeberg.

In 't jaor 1041 weurt 't good geneump in 'n sjinkingsakte, woa-in de Duutsje [[keizer Hendrik III]] de nederzètting 'villa' Falchenberg sjink aan zien niesje Irmgard. Häör kleindochter trouwt mèt [[Thibald van Voere]], de ouds bekènde hièr van ''Valkeberg''. In 1279 were de [[hièrlikheid|hièrlike]] rechte van Oud-Valkeberg gedeild door Adam II vnvan Haeren en Henric Birclaer (woanao de [[Vesting Valkeberg|Berkelpoort]] in Valkeberg geneump ies). Hae waor in [[1246]] voog van Valkeberg.

In [[1381]] zint Johan van Hulsberg en Johan van Aldenvalckenborgh eigenaere van 'ne [[haof (boerderie)|haof]] ''Oud-Valkenburg''. Dae lètste hou ièrsj de hèlf en naoderhand de ganse hierlikheid in eigendóm.

In [[1475]] vererve dees aan Johan van Ghoor, hièr van [[Ees|Eys]]. Ziene zoon, Herman, geuf 't beziet in 1535 door aan Johan van Sjtriethage, dae getrouwd ies mèt zien niesje Maria van Ghoor. Hae boewt tösje [[1545]] en [[1560]] 't hudige kesjtièl, dat in de erfenisakte "alle erff ende guet des hoeffs van Aldenvalckenborgh' geneump weurt. Van de naam ''Genhoes'' ies dan nog gein sjpraoke. Of op de haof Oud-Valkeberg al 'n kesjtièl sjtóng ies twiefelechtig. In [[1558]] sjteit 't in 'n acte es "huyse ende slote van Aldenvalckenborgh". Johan van Sjtriethage ies hièr van Oud-Valkeberg

De neveliegkende carrévörmige kesjtielkesjtièl[[haof (boerderie)|haof]] sjtamp oet de 18e ièw. In 2008 were d'r in de haof apartemente gerealiseerd.