Bokkeriejesj: Versjèl tösje versies

{{misjmasj}}

{{dialeksec|Norbiks}}

De '''Bokkeriejers''' is d'r naam van 'ne groep luuj dae in d'r 18de ieëw in 't [[Laand va Overmaas]] vör 't [[rech|gerech]] is brach en veroordeeld. Recaent [[historie|historisch]] oonderzeuk haat bewaeze dat d'r naam de Bokkeriejers bedach is dör machhubbers um hunne gruweleke en tomeloze zeuktoch nao daders van ènkele diefsjtalle te kinne rechvaardège. De verdachte waoërte gefolterd en zoe waoërte bekentenisse aafgedwonge en nuuj verdachte voonde, de nuuj verdachte waoërte ooch gefolterd...enzovoort. De jach op de Bokkeriejers wert aanzieë es 'ne laatiejège variaant op de [[heksevervolging]].

 

In [[Wellen]] in [[Belsj Limburg]] leidde dis procedure tut 116 verdachte vör 10 diefsjtalle. Daovan waoërte d'r 31 ter doeëd veroordeeld. 19 Gevangene waoërte gewurgd en op d'r braandsjtapel verbraand; 5 waoërte laevend verbraand; 2 geradbraakt; ene onthoofd; ene oontsjnapde; 2 gevangene sjtorve in de gevangenis, ene väör de foltering en d'r aandere d'r nao. Ene gevangene waoërt vriegelaote.

De oonderzeukers sjtèlle zich de vraog of de handelswies van de drossaards geïnspireerd waor dör uvveriever of woolte ze - en dat wert uvver 't algemèng aangenaome - op die meneer bepaalde luuj oet d'r waeg ruime.

 

==Nederlands Limburg==

 

== De aw [[legende]] ==

Nao ein awt [[volksverhaol|volksgeluif]] zeen de '''Bókkeriejesj''' geister van gesjtórve luuj die op bök door de lóch rieje. 't Is ein vórm van de zogehete: [[Wil Jach|Wilj Jach]], ein thema det neet allein in 't [[Limburg|Limburgse]] en [[Vlaandere (gewes)|Vlaamse]] landj bekènd is, mer ouch inne [[Dutsjland]] , [[Engeland]]j , [[Scandinavië]] en Noord-[[Frankriek|Fraankriek]].

De Wilj Jach woort volges 't volksgeluif oetgevuierd duer duvele die - es 't sjtórmde – deur de lóch vaegde en euveral luuj de sjtupe op 't leif jouge. Det is ein aajt volksverhaol oet [[Kelte|Keltische]] tieje. In aaj tieje waor Limburg bewuindj deur [[Eburonen]], [[Nervii]] enne [[Remi]]. Dit gelouf kump, wie 'ne deskundige vertèlde, den ouch oet de Keltische tied: 't zeen de dooj luuj die gein rös kènne vènje.