Töl: Versjèl tösje versies

'''Thöll''' is ein buurtsjap dat huurt bie de gemeinte [[Sjènne]], en wörd vriewaal gans ingeklèmp door heuvele, woova de Krekelberg ein van de de belangriekste is. Wier grens Thöll aan [[Voasje]]. Wae vanoet Achter de kirk in Sjènne zich eine waeg baantj door de S bochte haet ein fantasties oetzich euver de beanje en de daobie lègkende [[Mölderplas]]. Dit waor vreuger gewoon landj wo ein paar boerderieje en ein meule sjtonge, vandao auch de naam Mölderplas. De Mölderplas is in de jaore zestig aangelag door de koele die dao sjlik sjtorde. Jaore langk loog dae sjwarte pratjs dao en ontsjtong d'r ein uniek gebeed met zeldjzame planter en deere. Ein paar jaor geleije is ein bègin gemak mèt de herinrichting van de viever, en zeen d'r ongerangere wanjelpaedjes aangelag, de [[Gelaenbaek]] weer in ziene oorsjpronkelike luip terökgebrach en is auch 't gebeed van 't oud koelsjpoar bie 't gebeed getrokke. Meh nog ummer vormp de Gelaenbaek hiej de aafsjeiding van 't dal wo Thöll in lègk. Wae aan Thöll dènk zal neet direk aan de [[Alfa]] Beerbroewerie dènke. Meh die broewerie lègk hie al sinds 1870. In dat jaor begosj Joseph Meens mit 't broewwe van beer. Öngertössche is al de veerde generasie Meens aan 't bewind, en preuf Tante Wies nog ömmer jekere mörge of 't beer nog waal van kwaliteit is. Om ganse geneet 't gebied auch groate bèkendheid weges ziene unieke flora en fauna. Neet allein biej de Mölderplas, meh auch op de Thöllerhei'. 't Heide gebeed tössche Thöll en Voasje in. In Thöll lègke auch voäl auw boerderieje, die meinstens nog gans orgineel zeen, en soms honderde joare oud zeen.