Solich

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Solijer Platt, es te dit dialek sjpriks.

Solich (Limbörgs-Ripuarische naom, mèt de naodrök op o - Zóóliech, Duuts: Solingen) is 'n krinkloes stad (stad die neet behuurt bis 'ne krink of Kreis, dus Kreisfrei is) in 't zuie vaan Noordrien-Wesfale. De Rienlandse plaots vilt oonder 't Regierungbezirk Düsseldorf, in 't historisch Bergisches Land en ligk neve de steij Wuppertal en Remscheid en de kring Kreis Mettmann en Rheinisch-Bergischer Kreis. Solich ligk op 'n hoegte vaan 221. De stad heet 'n oppervlak vaan 89,54 km², en volgens de census vaan 2014 gief 't dao 155.768 inwoeners. Heimèt heet 't 'n bevolkingsdeechte vaan 1740 de veerkante kilometer. Sinds de nuie stadsraod vaan 2014 is de CDU de groetse polletieke partie mèt 17 zetels. Op de twiede en daarde plaots komme daan SPD (15) en de Grüne (6). In Solich gief 't gein universiteit. Evels bestaon d'r versjèllende faculteite die deil oetmake vaan de naobere Bergischen Universität Wuppertal. Ouch de hoegesjaole valle oonder 'tzelfde instituut es dat van naoberstad Wuppertal. Bis 2006 had zie nog väöl inbrink; daonao heet Solich evels al häör autonomie mótte opgeve en is 't gans hoeger oonderwies gecentraoliseerd in Wuppertal. De stad besteit oet vief distrikte.

In Solich weurt 'n dialek gesproke wat me Bergisch neump. In essentie is dat 'ne gróp aon euvergengsdialekte vaan 't Limbörgs nao 't Ripuarisch. In de praktiek weurt evels ummertouw minder Limbörgs gesproke in Solich en heet de taol sinds 't ind vaan de Twiede Wereldoorlog väöl vaan häör positie verlore te opziechte vaan 't Duits, zjus wie in de res vaan 't Rienland. Bij de lui die 't nog spreke begint 't dialek ouch ummertouw mie op 't Duits te lieke, zjus wie 't Limbörgs in Nederlands en Belsj Limbörg ummertouw mie op 't Nederlands is gaon lieke.

Brón

Duutstaolege Wikipedia