Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Dit artikel geit euver de zenger. Veur de sjilder zuug Jef Diederen.

Sjef Diederen (Valkeberg (Brokem), 30 april 1932 - Haerle, 28 augustus 2012) waor 'ne zenger en leedsjessjriever oet Gebrook in Nederlands Limburg.

Hae trooj veur 't ièrsj op es zenger in 1950. Hae zóng in 't Valkebergs (Brokems) dialek. Hae waor doe eine van de ièrsjte dae in 't plat góng zinge en succes daomèt kreeg. Hae begeleide zichzelf op gitaar. In 't begin zóng hae veural komische leedsjes mèh later ging hae euver op miè romantisch repertoire.

Diederen begoes zien eigelike carrière es zenger (zelf neumde hae zich troubadour) in 1953 mèt 't Kapelke van Harry Bordon. Dat waor in daen tied 'n geleef ónderwerp in dialekleedsjes. Tösje 1973 en noe naom Diederen 28 lp's, meziekcasettes en cd's op. Zien bekèndste nummer is 't leedsje Geneet van 't laeve oet 1978. Dit leed eindigde in 2001, 2002, 2003, 2004, 2008 en 2009 es ièrsjte in de Limbo Top 100 van L1.

Pedro Rademacher sjreef de biografie Sjef Diederen in 2009. Diederen ies op 28 augustus 2012 nao e krankbèd van e paar maond. Hae is ónger groate belanksjtèlling begrave vanoet de H. Familiekèrk te Gebrook. Hoofcelebrant woar pesjtoar Nevelstein mèt kapelaon Vankan. In de drökke mès zoate hóngerde luuj, wo-ónger väöl kèrkelike en wereldlike hoagwaardigheidsbekleijers.

Discografie bewirk

  • Leedjes in mien moderstaal (1978)
  • Leedjes mêt Sjef Diederen (1979)
  • Romantiek oet Limburg (1973)
  • Leedjes veur jonk en auwd (1980)
  • Leedjes van gistere en vandaag (1981)
  • Leedjes um nao te loestere (1982)
  • De beste van Sjef Diederen (1986)
  • De troubadour van Limburg
  • De Limburgse troubadour (1991)
  • In Moderstaal (1992)
  • Kaersmös mit Sjef Diederen (1992)
  • Gistere & Vandaag (1998)
  • 50 jaor troubadour (2000)
  • Veer komme oet 't zude (2004)
  • Hie is 't gezellig (2005)
  • Ik geloof (2006) (Nederlandstalige geistelike leedsjes).
  • Wo zint de jaore gebleve (2006), mèt biedrages van Marlies Notten, Jo Smeets en Beppie Kraft
  • TV-special bie TV-Limburg met speciaal dvd-oetgaaf mèt o.a. Bella Luna door Sjef gezónge.
  • Veur al die jaore miene dank (2010)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjef_Diederen&oldid=433816"