Sjabloon:Veurblaad actueel

Crisis en krieg in de Oekraïne: 'ne krieg dae oet versjillende fases besjteit: de inname van de Krim door Róslandj in 2014, 't conflik tösje 't Oekraïense laeger en pro-Róssische separatiste in d'n Donbass (2014-2022) en de Róssische invasie van 2022. De krieg haet groete humanitair probleme veroerzaak.
COVID-19: 'n besmettelike gekrenkdje veroearzaak door 't coronavirus SARS-CoV-2. In de volksmóndj is coronavirus ouch de naam veur de ganse gekrenkdje. De gekrenkdje kwaam veuren ieëste veur in Wuhan, wodoor 't ouch waalens 't Wuhanvirus woort geneump. Doordet miense gein immuniteit veur 't virus hajen, 't ouch gei vaccin goof en 't virus zier sjnel kint mutere is saer 11 mieërt 2020 officieel spraok van 'n pandemie.
Europese migrantecrisis: de groete toenaam van asielzeukers die Europa binnekómme saer 2014.
Islamitische Staot: 'n bewaopende organisatie die 'n islamitisch kalifaat wilt oprichte in 't Midde-Oeste en good vertaegeweurdig waor in Syrië en Irak. Huuj is de terreurbeweging nog ömmer aktief inne regio, mer door 'n internasjonaal coalisie ónger leijing vanne VS en zjwaor Róssische bombardemente woort ze militair en territoriaal versjlage.
Arabisch Veurjaor: 'n rits aan demonstraties, opstenj en gewaopende kónflikte taege zittende regeringe in 't Midde-Oeste tösje inj 2010 en 2012.