Sint-Oedenrode
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Sint-Oedenrode (Braobants: Rooi) is e dörp of stedsje in de Nederlandse gemeinte Meierijstad, provincie Noord-Braobant, aon de reveer de Dommel. Tot 1 jannewarie 2017 vörmde Sint-Oetenrode 'n apaarte gemeinte, die neve de hoofplaots ouch de kerne Boskant, Nijnsel en Olland umvatde.
Sint-Oedenrode ligk in 'n landeleke umgeving. In 2000 woort 't gekoze tot 't greunste dörp vaan Europa.
Historie
bewirkDe ierste spore vaan permanente bewoening datere vaan tösse 8000 en 9000 veur Christus. 't Dörp zelf zouw roond 700 oontstande zien door de oontginning vaan de hei door de dörpsheilege Oda (Oede). Zie numpden 't zelf Rode. In 1232 woort Sint-Oedenrode verheve tot de hoofplaots vaan 't kerteer Peelland vaan de Meierij vaan De Bós en kraog de plaots stadsrechte, al heel 't altied e dörps karakter en woort 't neet es stad meh es vlek (dörp mèt aoneingeslote bebouwing) aongegeve. Door de ingesloteheid tösse de Dommel en 't moeras kós 't evels neet tot 'n echte stad oetgreuje. In de negentiende iew en de vreuge twintegste iew bleujde hei de klómpe-industrie.