Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


SLC in de Groeate Bekke

Salt Lake City (ouch-waal Salt Lake of SLC) ies de houfsjtad en de meis bevoukde sjtad van d'n Amerikaanse sjtaat Utah, zoa-ouch de houfplaatsj van de graofsjap Salt Lake County, de meis bevoukte graofsjap van Utah. Mèt 'n bevouking van 199.723 in 2020 ies Salt Lake City de kern van de Salt Lake City Metropolitan Area, mèt 'n bevouking van 1.257.936 luuj in 2020. 't Ies ouch, neve Reno (Nevada) de einege groate sjteileke regio in de zoeganaamde Groeate Bekke (Great Basin).

Salt Lake City ies boete de VS veural bekind um häör groeat aantal volgelinge van de Mormoonse Kèrk (Mormone). De sjtad woort gesjtiech door Brigham Young, de twiède veurzitter van de Mormoonse Kèrk, in 1847. Hae waor mèt zien volgelinge gevluch oet 't oeaste van de VS. SLC bleef gans lang 'n conservatieve en mormoonse sjtad. Allewiel ies zie zjuus 'n zièr progressieve sjtad in de wier conservatieve sjtaat Utah.

Van 10 bies 24 fibberwarie 2002 woorte hie de Olympische Wintersjpele georganiseerd.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Salt_Lake_City&oldid=452964"