Sajelaire

Dit artikel is gesjreve (of begós) in 't Aelses. Laes hie wie v'r mit de versjillende saorte Limburgs ómgaon.

De Sajelaire is ein Carnavalsvereiniging in Aelse die is ontstánge in 1952

Sajelhistorie

In de jaore 1949 en 1950 bestong d'r in Aelse ein Indië-commité. Onger de leiding van Sjang Peters oet de Kaakstraot, verzörgde dit commité o.a. ein kontakblaad Aelse-Indië dat nao de soldaote in Indië gesjik woort. In dit blad woorte groete van 't thoesfront euvergebrach en besjreve wat d'r in 't dörp gebäörde. Dees blaedjes, deils in 't Holles, deils in 't plat gesjreve, stónge vol mit gegaeves euver 't lokaal nuuts oet Aelse 50 jaor geleje. Och de carnaval kaom aan de orde. Ein sfeerbeeld van wie de carnaval toen gevierd woort.

Babbelaire

In 2000 vierde de Babbelaire hun 2 x 11 jaorig jubileum. 't Vrouwluujfruusjoppe is ein gezellige aktiviteit die ze al 29 jaor organizeere. Op zôndigmörrige van 11.00 tot 15.11 oer is zaal 't Trefpunt 't domein van väöl Aelser vrouwluuj. Vanaaf 15.11 oer maoge de mansluuj nao bènne. De BabbelaireIn 1979 woort 't 1e vrouwluujfruhshoppe gehawte op de zaal van May van de Keigel aan de Stajewaeg. De vrouwluuj van de lede van de Raod van Elf same mèt de hofdames van de prins (Jeanne Snellings en Elly Pauli) houwe allemaol eine sjlupjas aan mit dao onger netkouse. Dao kaome 12 betalende bezeukers. Ouch 't duo Angerhouf trooj nog op. 't Festein woort toen nog damesfruhshoppe geneump. De hofdames van de Sajelaire organiseerde 't. In 1980 woort 't fruhshoppe in d'n Dikke Stein gehawte. 't Waor al ein stök drökker. In 1981 woort op 15 febrewarie 't damesfruhshoppe in disco Palladium aan de Kaakstraot gehawte. 't Orkes waor toen Lariecouque onger leiding van Guus Clemens. De vrouwluuj hawwe zich echte Babbelairepèkskes (rwaj pèkske, witte trui) gemaak. Vanaaf dae tied heite ze dan auch “de Babbelaire”.

In de aafgeloupe 29 jaor woorte 2 leedjes gemaak euver de Babbelaire. Die waere nog altied mètgezonge. Zeker 't nömmer dat Babbelair Anja op de CD van arangeur Jan Baoves zunk. Jan, in vrouwluujkleijer, zörgde jaorelank same mèt zien orkès de Risto's, veur de muziek.

Jeugraod

De Jeugraod besjteit oet 11 lede, kómmende oet de basissjwalle van Aelse. Es de lede nao groep 8 van de sjwal aafgaon, traeje ze ouch aaf bie de jeugraod. Op de sjwalle kriege de kènjer van groep 6 ein oetnwèddiging om zich op te gaeve veur de jeugraod. Zeen 't mjè kènjer dan dat nwèdig is weurt 'r gelaot.

De Jeugraod weurt begeleid door 't Jeugkomitee Aelse, eine groep volwassene vriewilligers die naeve 't begeleide van de Jeugraod ouch de jeugzitting en de jaorlikse jeugkarnaval in 't Maaslandcentrum reigele.

In 2004 haet 't Jeugkomitee hun 3 x 11-jaorig jubileum gevierd.

't Jeugkomitee Aelse weurt gesjteund door de samenwirkende Buurtvereiniginge Aelse.

Alle Prinse

In 't Sajelaireriek besteit ouch ein vereiging van auwt Prinse. Dit is 'n vereiniging wovan ederein dae 'ns Prins van de Sajelaire gewaes is zich bie kent aansjlete.

De Auwt Prinse organisere jaorliks 'De Baer is Los', eine supergezellige carnavalsaovend mit eine gooie diskjockey en get optraejes. Ouch helpe de Auwt Prinse de Raod van Elf mit 't organisere van de jaorlikse Ouderenzitting.

Vors van de Auwt Prinse is Graad Beckers. (Graad van de Bekker). Penningmeister is Roel Ramakers. Sekretaris is Ab Broersma. Ceremoniemeister is Dave Gijzen en Thei de Wiltink is 2e penningmeister.

In 2006 bestonge de auwt prinse 4 x 11 jaor.

1971 †Louis I Bocken
1972 Fons I Meijers
1974 Jo III Dohmen

Externe link

Kiek veur mjè info op [1]