Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Romaanse kloasterkèrk in Saint-Séverin

Saint-Séverin en Condroz ies 'n dörpke in de gemeinte Nandrin (saer 1977), in 't arrondisement Hoei, in de provincie Luuk op 't Belsj. 't Plaetske ies gelege "en Condroz" of in 't Condruzisch landsjap.

Neve 'n aantal ouw hoezer in natuursjtein sjteit aan 'ne viever 'n Romaans kèrkske in de sjtiel van Cluny (Frankriek). Veural de achheukige tore lièt dat zeen. Monnike van Cluny sjtiechde hie in 1091 'n priorie. De kèrk, gewiejd aan Petrus en Paulus ies hie ein van de euverbliefsele van. In 't geboew bevingk ziech 'ne helsjteine doupvont oet de 12 iew, woavan de ziekent verseerd zint mèt gekapde lièwe en Sphinx-echtige miensjeköp.

Veur en neve de kèrk liek de ouw, natuursjteine boerderie van de monnike mèt helsjteine róndbäög.

Commons
In de categorie Saint-Séverin-en-Condroz van Wikimedia Commons zeen media gerelateerd aan dit óngerwerp te vènje
 
Gemeinte Nandrin
Vaan van Nandrin
Deilgemeintes en dörper: Nandrin · Yernée-Fraineux · Saint-Séverin · Villers-le-Temple
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Saint-Séverin&oldid=340912"