Roerdörp

Dit artikel is gesjreve (of begós) in 't AGL. Laes hie wie v'r mit de versjillende saorte Limburgs ómgaon.

---

De eksklave Wels en Roerdörp op de Ferrariskaart (1771–1777)

De Sint-Pankratiuskirk van Roerdörp

Roerdörp (Duutsj: Rurdorf) is e dörp in de gemeinde Linnich in de Krink Dure, Naordrien-Wesfale. 't Dörp lik ten zuje van 't sjtedje Linnich aan de linkerover van de reveer de Roer. In 2022 hauw Roerdörp 'n bevouking van 659 luuj.

Gesjichte

't Dörp woort veur 't iers geneump in e dokkemènt oet 945 ónger de naam 'Ruodesthorp'. De plaatsnaam 'Rurdorf', daen op 't Duutsj huuj nog gebroek weurt, dateert allich oet 1273, wie d'n hujige naam veur 't iers geneump woort.

Van de middeliewe tót 1795 vörmde Roerdörp same mit 't naoberdörp Wels (Welz op 't Duutsj) 'n eksklave van 't Landj van Hertserao. Dees eksklave vörmde 'n enklave in 't Hertogdóm Jöllesch.

In de Franse tied gehuurde Roerdörp tót 't Roerdepartement. Nao 't Kóngres van Wene in 1815 woort Roerdörp 'n óngerdeil van Pruse. Saer de aafsjaffing van Pruse in 1947 gehuurt Roerdörp tót de Bóndjsrippebliek Duutsjlandj.