Roentgenium

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Roentgenium of röntgenium is e sjemisch element mit es symboeal Rg en 't atoeamnómmer 111. 't Element is verneump gewaore nao Wilhelm Röntgen. Toet 1 november 2004 waas dit element bekèndj es unununium mit es symboeal Uuu.

Röntgenium woort veuren ieës berèdj in Darmstadt in 1994. De bereijing vindj plaats door 't besjete van biesmoet mit niekkelione:

$\,_{83}^{209}\mathrm {Bi} +\,_{28}^{64}\mathrm {Ni} \,\to \,_{111}^{272}\mathrm {Rg} +\;_{0}^{1}\mathrm {n}$

't Röntgenium det daobie óntsteit vervèltj bao drek daonao toet meitnerium.

Door 't hoeag atoeamgewich van 272 raekentj me röntgenium toette superzwaor atoeame.

't Element kump, juus wie kaoper, zilver en góld, veur in groep 11, wodoor me 't toette euvergangsmetale raekentj. Anger euvergangsmetale zeen vaste metale; wersjienlik geldj det ouch veur röntgenium.